聖誕的最後一場約會@彩晶軒

 

27/12 終於到咗聖誕的最後一場約會 ,

 

朋友揀咗去尖東嘅 " 彩晶軒 " 飲茶 ,

 

雖然只是簡單的茶聚但都好開心因為有得交換禮物 ^^

 

 

" 特式手切蜜味叉燒腸 "

 

朋友有少少皮膚敏感所以要戒口唔食得蝦 ,

 

因此今次只好改食叉燒腸啦 !  ( 仲要無蝦餃食添 ! 慘 ! T-T )

 

 

" 海味粗條煎蘿蔔糕 "

 

呢個係朋友的至愛基本每次飲茶都會 order

 

 

" 懷舊馬拉糕 "

 

嗱 ! 嗱 ! 馬拉糕就係我至愛的其中一款點心 ,

 

好食嘅馬拉糕都唔係度度好食呢間都算 ok 呀 !

 

 

" 香港特色豉蒜蒸鳳爪 "

 

 

" 椒鹽魷魚鬚 "

 

朋友話平時同老公飲茶無得食炸嘢 !

 

係同我飲茶先可以食見你講到咁雖然我係病緊都唔戒口陪你食啦 !

 

其實椒鹽魷魚鬚嘅魔力又真係幾大嘅 !  

 

加上呢間酒樓嘅魷魚鬚都做得唔錯嘅 " 好食 "

 

 

" 白玉棉花雞 "

 

 

早前入廸士尼見到呢隻杯知朋友又鐘意呢隻公仔 ,

 

所以就諗住買嚟送比佢 , 但唔知點解搞下搞下就變咗聖誕禮物 ,

 

其實我都鐘意架 ! 可惜喺我見到呢隻杯之前已經買咗隻一模一樣嘅米奇 ,

 

終於忍住無買就趁送比朋友時順便照番張相留念先 ^^

 

 

嗱 ! 朋友呢份禮物就好有心思包得好靚  ( 其實係張花紙靚先啱 ^3^ )

 

 

朋友都知我鐘意米奇所以就買咗條大毛巾俾我  ( 好靚呀 ! )

 

真係多謝你呀 !

 

 

除咗大毛巾外仲有另外附送的靚靚行李牌 ^^