6-1-2015 (第三日)
今朝瞓到自然醒，因為冇景點，十一點先至出發；食埋早餐，Ｄ老友就去浸温泉，我地費事又要冲凉，所以它它條條冇你咁好氣，上番房休息睇電視。
早餐慢慢食，唔駛趕，食到九點半。
所謂十一點出發，其實係過酒店對面Ｄ農家餐廳食午飯！
本來周圍Ｄ風景都好靚，可惜天氣都係麻麻地，陰陰暗暗，影唔到靚相。
開頭仲以為有魚釣添，原來係間餐廳。
由呢度可以望到我地住咗兩晚果間莽山森林温泉渡假酒店全貌。
連住都有幾間餐廳。
餐廳底有個水池，得幾寸水，魚就冇喇，好彩係冬天啫，夏天肯定比蚊咬屎～
坐定等開飯。
全豬、全羊、連全狗都有得食，真嘔心！
呢餐嘅名堂係「綠色農家宴」。
斬到碎濕濕嘅蒸雞。
腊肉、豆付干、唐芹、青紅椒， 呢個幾好味。
清蒸鯇魚。
什菌炒肉片。
籽粑。
呢個大雜燴唔知係乜。
煎旦餅。
黃芽白。
煮冬瓜。
食飽就上車出發喇。
咁靚嘅風景真係有Ｄ可惜。
離開湖南坪石往廣東韶關。
中途停服務區，你睇幾大霧～
穿過條隧道番到廣東，天氣好咗好多。
到韶關喇，我地直去韶關高鐵站，轉乘武廣高鐵番深圳。
呢度就係韶關高鐵站。
喺站內等上車，我地果班車係G71。
大家上咗車坐定定。
車裏面開咗暖氣，成28度，焗到氣都冇得抖。
車速304公里。
經過好似兩三個站。
好快就到咗深圳喇，再轉乘地鐵番皇崗口岸過落馬洲，番到屋企都八點幾。
感謝 白果魚神 提供以上資料
白果魚神的網誌: http://a991952.blogspot.hk/
