5-1-2014 (第二日)
今日主要係遊莽山自然風景區，包括「天台山、鬼子寨」。
朝早06:30起身，07:15落酒店餐廳食自助早餐，食物種類都幾多，有中有西，我就食番中式野先至啱胃口。
鴨紅賴粉、煎雙蛋。
豬什粥加油炸鬼。
食飽就上車出發，好快就到咗莽山國家森林公園，我地先行天台山。
天氣麻麻地，大霧到好似有Ｄ雨粉咁，又濕又凍，好彩老友Ada同旅遊巴司机買咗兩件雨衣比佢老公呀德同我，如果唔係實冷病都有之！
擵吓呢隻野話有運行喎！
天台山有間 天台寺，相傳唐太宗李世文，曾經喺度出家做和尚咁話！
Ada同呀德兩公婆。
禅～即係咩呢？
呢句都係唔知點解？
上午遊畢天台山，跟住喺莽山食中午飯，呢餐名為「莽山瑤家宴」。
海帶湯，乜山區瑤族都有海帶出產嘅咩！
蒸雞，又係斬到碎濕濕。
煎旦餅。
菜寶。
木耳。
蒸鯇魚 。
南瓜。
九餸一湯，白飯任裝。
呢Ｄ咁嘅餸，爬咗半碗飯就飽喇！
見有隻貓喵喺度，又望住我喵喵咁叫，仲埃身埃世，好喇！整舊鯇魚你嘆吓喇～
呢隻肥貓食魚食到嗒嗒聲！
我地食飽就向「鬼子寨」進發。
山路濕滑，大人步步為營。
由朝早到依家都係咁嘅天氣。
又上又落。
呢條木樓梯又長又直。
老友話呢棵松樹靚，要喺度影番張相。
老友生仔同佢老婆 Lily 都話呢度好似仙境咁。
我都要影番幅，可惜有滴兩水遮咗我個樣。
嘩！落完又要上，好攰呀～
大人話呢度似張家界，睇落又幾似喎！
行鬼子寨足足行咗三個幾鐘，跟住番酒店，一番到去即刻換泳衣去浸温泉，個人又攰又凍，浸吓温泉成個人精神番哂，番房冲個涼就去食晚飯喇；原來呢餐先至保「莽山香豬宴」。
老火靚湯。
莽山香芋南瓜煲。
鹵水拼盤。
本地葱油雞。
莽山讓豆付。
農家炒三寶。
薑絲蒸莽山河魚仔。
上湯浸本地野菜。
莽山雞湯野香菇。
莽山特色籽粑。
莽山笋乾燜土豬肉；食飽飽成班老友傾到九點幾先番房，大人第一時間就撻落床瞓，我就過隔離房同班老友吹水，仲帶埋奶茶過去煲，傾到成十一點幾先至各自回房間休息。
聽日係第三日，冇景點，全程番香港。
感謝 白果魚神 提供以上資料
白果魚神的網誌: http://a991952.blogspot.hk/
