尋日去超級市場買咗餸諗住24號平安夜大餐，由於25號有家庭聖誕大餐，所以呢幾日都好忙，忙執屋忙預備食物。今日執執下廚房嘅時候我就諗：如果聽晚煮完
平安夜大餐我又要執多一次廚房，聽日又要清潔樓上，咁到到夜晚十點鐘仲要洗碗我一定好慘，所以就突然諗
不如提早一日食，今晚食完我就收爐，聽日兩餐都出
街食，聖誕大餐先再開爐！
提前平安夜晚餐頭盤有生蠔，牛油果車厘茄配紫粟米片。
![]()
第一道菜係蜆肉意粉（本身有殻的，不過上碟嘅時候已經去殻方便食），
第二道菜marco嘅係劍魚扒，
我嘅係腩片帶子，配菜係照燒汁茄子。
![]()
甜品係迷你版tiramisu。今朝整咗兩個tiramisu 25號做甜品（之一），剩番少少cheese mixture, 做咗迷你版今晚食。
其實而家仲有時間update, 只是因為我唔想起身去洗碗 祝大家聖誕快樂，merry christmas! 更加願意大家認識聖誕節嘅主角，神愛世人，甚至將祂的獨生子賜給他們，叫一切信他的，不至滅亡，反得永生。
P.s: 車輋昨天甩咗左上門牙，右上門牙甩咗兩個月都未生出來，所以而家有好大個窿。佢今日同我講: 媽咪，其實冇左兩隻牙都有D唔方便，因為咬唔到嘴唇！
