![]()
|
|
國際商業法
|
![]()
|
|
頂級鍚蘭红茶
|
![]()
|
|
防偽雷射標簽
|
今天又想起以前的一位年齡28歲朋友,我依家幾乎再冇廾多歲年青的朋友了,他是斯里蘭卡人,來這裡一間大學叫 Deakin University 讀法律系,呢間大學都不錯,認識他也有二年多,因他以前每逢星期五,六,日晚上五時後,就到我朋友做廚師的日本餐館做洗碗清潔雜工,直至晚上十一時左右收工,每次見他時他都笑容滿臉,記得有次晚上十時後我去探我朋友,他叫我等他收工後去飲嘢吹水,我就順便問呢位斯里蘭卡仔去唔去飲嘢?好呀,他真爽快一口就認承,若果係靓女就好啦,我們就一起到附近的唐餐廳吃嘢吹水,之後我送他回家.其實都唔係好順路,要開多廾分鐘車,之後都一齊飲過幾次嘢.
大約2008年,有一日他打電話给我,話有二件事唔知我可唔可以幫他,我說甚麼事,睇下我能力做唔做得到,他說他要回斯里蘭卡,因他和他的女朋友一齊都不獲移民局批學生居留的延期,他們都冇上學好耐,可能功課追不上,他有幾箱舊書要暫時放在我處,同時要我借幾百元給他們買回可倫坡 Colombo的機票,我說好的,我就去他家幇他搬了此五箱書回來放在我家的雜物房,等他有機會回來時再取回.
唔記得幾耐,都好似過咗一年多,有日有人打電話給我,話佢斯里蘭卡有位朋友託佢帶一罐茶葉和幾百澳元還给我,我都忘記咗有呢件事,後來見面時,他同我說他的斯里蘭卡朋友现在在可倫坡當差,屬幫辦級,還給了他的地址和電話给我,我打電話给他,問仲有呢幾箱舊書如何處理?他叫我丟掉算啦,我打去圖書館話有書要捐,圖書館問我乜書?我話法律的書,圖書館不要,我又去書局問,有二手法律舊書賣要唔要?他們又話不要,只要中學的,我想法律的書隨時代步筏,丟又浪費,唔丟又冇用,法律舊書唔同歷史舊書,歷史書放幾耐都得,因冇可能修改,不過日本仔就不同,因為只有日本仔最喜歡刪改歷史.
============================================
感謝 wai 提供以上資料
wai的網誌: http://ngwai.blogspot.hk/
============================================
