我有我的難處

14.01.2015

眾所周知 , 小地勤在貴賓室工作的 , 那我的職責很簡單 , 就係幫助貴賓室的乘客解決問題 . 成日都會有經濟艙乘客路過要求幫助 , 如果有時間 , 小地勤都很樂意提供協助 , 但我也有我的難處 . 作為貴賓室員工 , 我要先看顧好我自家的乘客 , 空閒時才可以幫助其他乘客 , 否則我就係本末倒置 , 也會被商務乘客投訴 .

今早 , 我就遇到一位俄羅斯小姐 , 因為樓上服務櫃台未開 , 所以佢就來找小地勤 ...

小地勤又要扮傻 , 扮唔識 , 但又要幫佢 , 係唔係好矛盾呢 ? 因為小地勤唔可以比佢地覺得平日唔幫佢地係專登 . 其實專登唔幫唔係有心的 , 咪係因為我都有職責所在 , 唔關歧視事 , 而人地真係比多左錢黎買我地公司既服務 , 小地勤應該無講錯 . 人地比多點錢 , 在於公司 , 當然要比返多點服務人地 .

攪左好奈 , 那位俄羅斯小姐終於找回那位 26 歲的失散弟弟 . 講真成件事真係好攪笑 , 咁大個人都可以走失 , 仲要兩姐弟係一起由曼谷出發 , 卻坐不同航班 , 來到機場相約在行李帶等 , 但一個唔知去左邊 , 另一個就無去行李帶而黎左貴賓室 . 今時今日 , 仲要話無電話傍身 ... 

俄羅斯小姐不停叫小地勤幫佢搵返個 Brother , 機場咁大咁多人 , 叫小地勤點搵 ? 好采今日貴賓室無咩客人先有時間同佢慢慢玩 .

3 個小時後 ,  那兩姐弟又出現了 . 買來了朱古力向小地勤道謝 ... 講真我收得好唔安心 , 因為始終無真真正正咁幫過佢 . 小地勤只係做足大龍鳳 , 令佢覺得我好似好幫佢 , 其實就真係 hea 緊佢 . 突然覺得自己好衰 , 又要幫 , 又唔盡力去做 , 好討厭依加既自己 .

反觀以前 , 每次都係真心幫人 , 唉 ... 人大了  , 也改變了 .