由 MMKEITH 於 2015-01-18 19:11:10 發表 | 累積瀏覽 3637
是次消費：每人平均約HK$ 4000.00
有n篇blog還排隊中都忍不住要先打哩篇
字亦都好多希望JM比點耐性睇
因為我不想下一位跟我一樣
提醒各JM購買風乾機要小心謹慎
否則哂時間唔緊要
還要哂氣力同激心
事緣自從加入了facebook
風乾群組後
就同老公相量購買最安全最多人買的
Excalibur 美國制造
有時間温度制的
9層營養低溫乾果機
但一直都行了好多次都找不到9層現貨
網上代購果的我自己又信唔過
所以一直都未買得成
直到有天去了太古城的apita行街
突發眼前一亮
發現了一部叫
Omega 9 Trays Dehyrators
OM-DH9002 TGW
9層多用途乾果機
向sales查問下原來係同
Excalibur 9Tray Food Dehyrators
9層全營養風乾機
都係美國制造同屬一間公廠
連尺寸都一樣
加上背機貼紙
下圖真係有Excalibur字樣
只係時間制同度數有分別外
大致都一樣
跟住sales說只係代理不同
Omega係新型號(of cox事實後來求証了絕無此事
因為係黑色先係新制)
類似呀媽同呀仔的分別
咁心諗貴幾百元有白色機實在太好了
因為老實我對黑色麻麻地
但係突發爆個母子款
決定回家再考慮下同搜集下資料
始終sales話係姐
facebook都唔見其他
姐妹有買過哩部
咁地回家立刻上谷到問
好多姐妹都未聽過哩部
Omega 9 Trays Dehyrator
OM-DH9002 TGW
9層多用途乾果機
得一兩個姐妹話好像聽過
有的話Omega 係美國都幾大公司
但9成姐妹都係勸我唔好買白色
買番黑色
因為一來又唔多香港人買
二又貴過黑色咁多
三時間制同温度制都係old 制式
完全除了白色外無理由購買
好死唔死我就係哩的顏色控
寧願買喜歡的色都會係果的
不聽老人言吃虧在眼前的人
結果堅持要買
回家就上網查到原來係哩間叫
Go Premier 西進的公司代理Omega
咁打電話去問多次是否係母子裝啦
代理都回覆係同廠同料不同色
仲問到原來sogo10樓有櫃檯
咁好安心啦sogo崇光百貨
賣的野應該有一定保障
同見代理都有
貴夫人/Kuvings/生機玊液/Dremax/Innotec/Cuisintec
咁多品牌諗住實好安全可靠
但凡事總有例外—_—
因為代理說倉到無咩存貨
應該得1至2部
咁我就拿拿聲係12月30号殺去sogo買
上到10樓但又見唔到部風乾機
就問人係邊樹賣Omega
原來遠在天邊近在咫尺
就係我問的旁邊哩個貴夫人櫃檯
因sales姐姐說位置有限所以無實物
得本catalog
(後來退錢時得知係因為公司缺貨
所以先收起部陳列品)
不過都無所謂啦我都問好哂諗住黎比錢
咁同姐姐說好價錢就比錢
因為apita sales曾經話可以賣3988
sogo 姐姐仲話送把貴夫人刀比我切生果
咁就懷住興奮的心情回家等送貨
等了幾日終於送貨
比原定早了一天
本身係寫了星期六送
星期五收到運輸電話問可唔可以送
我都趕到回家就無所謂橫點都想早點用
跟住就開始漫長的谷氣日子
首先收到貨準備開箱時先發現紙箱
膠紙痕有重封過2次左右的膠紙條
因為趕回家收貨
所以拿拿聲拆開望下就離開
但發現外殻貼紙無了原本係apita
見到實物的貼紙
因為原先見到有Excalibur字樣的
其次哩部貼紙左右位置都調轉了
同外殻&底部明顯有多處花痕
加上膠袋同外表都比較多塵
有點好像不知咩的黑色粒粒塵
正常全新的電器應該無可能發生掛
好迷茫的我在想：
（是全新的貨來架嗎？
懷疑ing？有無人答我呢？）
(ps記起他們曾經提醒過沒有太多存貨）
咁就拿拿聲打電話去維修部查詢
代理就請我影下照片email比他們
我晚上再回家影完sent比他們後
他們說已經下班
同星期六日沒有人工作
但其實晚上同星期六我都有打過
有人接聽架
不過好搆笑說已下班
或沒有辦公~_~
人家都咁說唯有等星期一啦
結果等了半天還未收到電話
我下午就直接再打
聽電話的都應該係星期五晚
&星期六接聽的女士
(聲音明顯地係同一人)
仲諗住她又會說無辦公tim
結果係x小姐我今朝都諗住打比你
不過無你電話
email我們收到架啦
相都睇了架啦
首先說得出我是x小姐
但又說無電話
其實email 係x小姐後有寫聯絡電話
anyway都不是重點
咁回覆係說相片已經睇過
她主動說安排跟換第2部比我
其次解釋我有提過貼紙問題
回覆係批次問題
所以我就相信了
始終都係一張貼紙
同見她們都主動話跟換一部比我
都接受了安排就收線了
今次收貨的不快經驗
我又再次上facebook谷到查詢意見
各谷友都再次叫我直接退錢
同向消費者委員會和海關投訴貨不對版
咁我見她們都肯主動換部比我
應該比多次機會
因為始終我意願都係想要白色
咁過了幾天1月7号
她們又安排了第二次
上門送貨&退機
曾經提過運輸係外判的
所以責任問題都不關運輸事
所以雖則哩箱個盒
仲殘過第一次
不過照接收
因為相信西進代理那位女士
電話保證會幫我親自檢查
先送貨哩箱同樣有膠紙痕
有重封過3次左右的膠紙條比上回還多一條
今次等老公回來一起開箱
OMG what the fuck
我忍不住立刻拎起電話準備爆啦
都是那位小姐接聽
我問她你不是幫我檢查了啦咩
她仲話係呀貨倉同事有檢查
我說我無氣講啦
你立刻收email自己睇啦
檢查了都可以送部亂插的層板比我
是否當我好蝦一點
跟住我們續層板拎出來時
不計第一塊已經小小變型後
老公眼利發現有條長頭髮卡住係層板
咩料呀係卡住呀
我已經準備火山爆發
再用電話的電筒照一照內部
鐵線都爛了格
外殻同樣都有不同情度的花痕
污漬明顯還比第一部嚴重
真係不敢想像係一部全新
仲要經過仔細親自檢查的貨品
檢查果位應該係視力接近盲
又或者估計客人的智商係零吧
她們再次回覆可以跟換第3部
今次換老公對話了
因為我已經毒發身亡了
老公再次查詢
你們是否真的肯定有100%全新
完好的機換嗎？
如果沒有就退錢吧
那位女士回答確實已經沒有存貨了
我收到的第1&第2部
已經係她公司貨倉最後2部了
咁如果想退錢都可以
自行抬部機去sogo退錢就可
但係女士又說公司
下星期會有新一批機到
如果等到又不个意換第三部可等
今次我會親自檢查
（心想：上回都係咁同我講，
但最後未變了貨倉同事檢查，
但有檢定無檢，外星人先知）
但如果唔等就要自己抬部大牛龜去sogo
到時車錢力氣都蝕了
始終為了哩部機去了一轉sogo訂機
又因為第一部擔心自己睇錯貼紙
特別再去多轉太古apita影埋相比較
結果內心爭議了
老公都話可能之前2部因為無貨的關係
事蛋頂住當先
現在有新一批機到應該無問題
咁就回覆女士我們決定等
只要係百份百全新機就信埋今次
一直打後落黎的一星期
都有收到女士的跟進
電話1:收到確實到貨日期會通知
電話2:貨倉已經到新貨了
電話3:送到女士手檢查完
有確實送貨日期會再通知
電話4:就係星期一12号早上
女士回覆新機到手已經檢查了
但公司決定還是請你自行抬部機黎
維修中心現場一換一吧
有無搆錯浪費了我多1星期
又反口叫我們自己抬去
原因說因為公司都認為
的機沒有太大問題
如果無問題當初又換機？
所以如果要換新請自行抬
真的xyz不用多說了
原來咁樣都叫沒有問題
難怪可以咁都發件爛貨比客人啦
我說好我們會抬
不過不是換機是退錢
果位女士都同意了
咁老公就死死地氣做大力士抬部大牛
去sogo退錢 sales姐姐都未知咩樹
我們就話你公司叫我們抬來退錢
我都有將所有案發經過同照片比姐姐看
老實我都不好意思
都知道哩的情況姐姐的佣金會被cut
但抱歉未用齋買都得到咁的質素
只能怪自己不聽老人言
（facebook JM n位多番勸告）
吃虧在眼前（一個字自已抵死）
前後趕回家收了2次機
過了3次海買機退機查機
結果得到氣絕身亡4個大字
事情上半部已經完結
只能說相信始終有人會好像我一樣
貪圖糖衣的美麗
所以只能再3提醒
美麗的背後要負上沈重的代價
結果2星期換來空歡喜
同日下午為了彌補哩2星期的心情
不死心上網找黑色代理Vitamax問
http://vitamix.mobi/household/International/hhindex.asp
究竟那裡有現貨
唔想再等啦
跟住問到係IFC Citysuper有展銷場
客服還好好人比了現場姐姐手機我
因為說現貨不是太多
如果哩批賣哂要等下批美國運黎
我就拿拿聲打去說留一部
現在黎比錢
唔洗講價價錢已經平過上面那部神一樣的對手
豬一樣的朋友^^
只怪自已係要受下教訓先得
何為新機??據比條件現場有自已的demo機啦
還有真真正正完封得一條膠紙現貨實物
係你面前開封即場插電測試
比錢試機學埋拎走完全完美無瑕
姐姐連保養書都幫我填哂
重點原來黑色包3年保養
上面果部神機係得1年咋
失落的2星期終於就係哩道彌補哂
為免夜長夢多
所以辛苦老公再抬多一次回家
唔等送貨啦
附帶一影特別影下全新的機真係一條痕都沒有
之前2部是否新機
真係它們先知啦
回家已經忍唔住買一堆材料開工啦
已經成功風了2次
食譜將會好快上傳
