呢幾日工事都比較忙, 有好幾篇文都積住未寫
今日先寫有關小齊今年o既日文班觀課情形
由去年9月開始, 通識班升左2年級
(計埋playgroup 小齊返呢度o既日文已經有2年半了)
尋日係2年班o既第一次觀課
日文班每年都會有2次觀課 (舊年o既情況見一年前
舊文)
2年級o既同學仔除左 MINAKO 係舊識之外, 其餘4位都係新朋友
就尋日所見, 流程同一年級冇大分別
都有GREETINGS, 天氣, 點名, 體操. 字卡...
各同學仔都好乖, 大家都好熟悉上堂程序
同MINAKO一定係最老友鬼鬼
唱歌時又攬又錫...
小齊最愛做小老師領大家唱歌跳舞
不過仍然似舊時一樣, 唱歌跳舞佢唔係好手腳協調
讀字卡o既部份唔可以錄影, 小齊表現算唔錯,
老師o既提問佢明白, 有反應, 對字卡內容亦都算熟練
係有時坐唔定郁身郁勢, 唔知返KV 會唔會係咁?
定係因為見我o係度先係咁?
同呢兩年o既日文老師影張相先
每年日文班都會有本習作總輯, 裡面有小齊o係班上做o既勞作同上課照片
年尾仲會有一隻碟比返晒d 相o既soft copy 同幾段上堂o既video
今年睇課堂習作見到小齊開始寫50音, 其實我都估到o的,
月頭去大阪旅行時問佢o的ひらがな佢都認得7788,
估計係上堂多左練習
會話方面呢, 同老師簡單地對答同複問問題都可以o既,
但流利地溝通睇怕仲有排喇
呢個班呢頭3年都算係基礎階段, 3年目標係學識2000個字,
之後2年先係進階多操練會話, 呢度聲稱完成課程可銜接日本人小學
日文班我地視作興趣班, 冇乜壓力, 冇功課冇考試,
校外o既能力試亦唔會考(因為佢都唔識寫)
至於媽媽o既expectation方面:
短期目標係o係幼稚園階段都可keep 住上通識班 (雖然年年要調整時間) ;
中期目標係希望可上晒5年課程 (小學要返全日制的話可能有點難) ;
長期目標係佢可以靈活運用日文, o係中學前達到能力試 2級水平 (且看小齊有冇興趣讀上去)
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
