上午行完丹霞，急急腳又要趕下場....哈哈!
因為上網 check 到韶關去南雄，只不過是一個半鐘頭車程左右，剛好又係睇銀杏既季節，
所以決定過去走一轉 ，look 一 look。
1:00pm 離開丹霞山坐車番韶關東汽車站轉大巴去南雄，
去南雄大巴有行高速同唔行高速兩種，車票只係即日買，冇預售的，
我地坐咗行高速既大巴，車程約一個鐘頭多dd，車費 $40。
轉嚟轉去，去到南雄已經4點鐘了，急急腳係汽車站包車($120)去帽子峰林場，
其實e個司機有d唔係幾厚道，車到一有銀杏樹既地方就想放低我地，
好在鄉下妹有做功課，要記得見到 e 條橋先好落車。
司機開得超快，劈住車入到帽子峰都已經 6 點了，原本唔打算係e 度住 ，
但見到天都黑晒，咁就臨時決定留底住一晚咁多啦 !
街上行吓行吓會有 d 阿姨同你搭訕，問你有冇住宿，不過阿姨會講方言，
9唔搭8 一番，最後搵咗 e 間，一號屋趙氏旅店，50蚊一張床。(聯絡電話係下面張相)
地方算清潔，可惜係冇裝修，好有鬼屋既感覺....哈哈 !
差D唔記得講，而家去帽子峰林場要比門票，多謝$30.....好貴呀!
e度只有一條街，兩旁都係銀杏樹，好正 !
不過我還是早了少少嚟，還未黃得晒，遲多一星期應該仲靚!
好啦 ! 放少少相比大家 睇吓啦 !
六點鐘起身影完相，未夠十點鐘又向下一站坪田村進發..........
(民宿阿姨幫手叫車，包車過坪田$240，出帽子峰林場$120)
坪田村出名的原因，係有棵千年老銀杏坐鎮，一場嚟到緊係要過去 look look 啦!
千年銀杏樹既型態果然係唔同 D
由於時間好趕冇咩時間四圍行，係咁2影咗 D D 相就走了
再過埋軍營寨睇埋 E 棵老銀杏，感覺上這棵樹更有型態更靚
況且位於小山坡頂，風景都唔錯
怱怱忙忙咁去晒兩個地方，感覺好似玩得唔係好夠喉咁
我同自己講唔緊要啦 ! 有機會再嚟過啦 !
同南雄 SAY GOODBYE後，也要和我兩位朋友講 BYE BYE
我就繼續我下半 PART 行程
出省遊江西
感謝 LazyPigPig 提供以上資料
個人日誌: http://www.lazypigpigso.blogspot.hk/
