轉眼間 K2 上學期就完啦,
今個星期會係評估周
今次評估成績比較重要, 因為會寫落成績表,
而 K2 成績表係要用o黎搵小學
鑑於上星期小齊o既情緒有d不穩 (有d 怕左佢~)
所以周末時我地主要去輕鬆下, 等佢情緒好返d先再開始溫書
星期五晚約左舊年日文班o既同學仔去睇 Paddington Movie,
小齊因為之前已睇過 Paddington o既故事書,
今次睇戲佢好鍾意, 返到屋企仲叫我開返d trailer 比佢睇
星期六去左TST行街食飯
星期日同表哥表弟去左大尾督BBQ
連玩幾日媽媽又開導一下小齊, 佢心情都好似好返喇
星期一, 二返學佢都肯食返茶點 (似乎已開心返),
咁夜晚媽媽話不如聽下audio books, 做下exercise (因為星期三就開始評估)
好彩小齊都一口答應, 仲好勤快, 評估要做 paper 的
第一晚, 媽媽出左幾條數比佢計 (呢個ok)
仲有媽媽牌模擬卷 (做錯 3條)
其實小齊學術算係咁, 我自問同佢溫或唔溫分別應該唔會好大,
不過心理上覺得同佢溫一溫我會好過o的,
小齊肯配合讓我安心 d我其實好滿足
第二晚拎返d exercise 出o黎做
原來之前買o既exercise 同佢學校o既程度相若,
省得我解題小齊可以自己做
呢個女同我唔似o既地方係 -- 佢幾喜歡計數咁
(我就至憎)
呢晚成本練習做左8899, 剩返d 填色部份我地skip左佢
另外中, 英文就叫佢試下寫返星簿教左o既內容同串下字,
媽媽牌模擬卷佢都有做, 基本上我都覺得佢幾熟喇
今朝先醒起原來我唔記得幫佢溫中文字卡, 噢~ 我要返工冇時間喇, 希望佢識啦~
評估內容我相信小齊大致係 ok o既,
做 paper 係驚佢唔夠細心, 小朋友有時會犯d 大意毛病
雖然我有叫佢"覆卷" 不過佢呢個年紀我認為佢會識囉... 叫也是白叫
放學返o黎我問佢識唔識佢例牌話識, 仲話老師請佢食薯片...
且看今次評估結果, 二月會揭曉
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
