歐洲自由行 * 2015 ( High Tea In Berlin - Day 4 )

06 Jan ( 住 Berlin )

黎柏林正係知道有咩景點係必去 , 但就忘了上網睇下有咩係必食 . 雖然之前講好每日要食一餐好 , 但一點概念都沒有既情況下 , 其實都食得好隋便 .

Cafe Einstein 係正菩提樹下大街 , 裡面人唔太多 , 但真係好想試下歐洲好出名既蘋果派 , 所以就入左去試下 . 講真 , 小地勤預左依餐要每人 15 歐 .

入到去 , 一坐底 , 就睇本 Menu , 其實唔太睇得明 , 都唔知點 Order . 

成本 Menu 正係確定 Afternoon Tea 係咩 . 問完先知好大份 , 足夠兩個人食 . 都未諗好飲咩茶上曬餐具 . 唔知當地人會唔會覺得我地兩個亞洲女仔好奇怪 . 一個餐兩份食 ?

依個 Tea 有配茶 , 應該夠我地飲 , 我地好隨便咁點左個紅茶 . 最後 , 每人可以飲到兩杯多少少 .

歐洲人飲紅茶會配糖 , 依包唔係普通既白糖同黃糖 , 好似有花味 .

個 Tea Set 終於上枱 , 真係好驚訝 , 原來真係好大份 !

小地勤係香港只係 High Tea 過一次 , 估唔到自己竟然有機會係歐洲 High Tea . 香港跟歐洲既不同係 , 歐洲人唔會吹我地 , 要我地盡快還返個架比下一枱用 . 我地坐左成個幾鐘 , 無諗過今次行程會咁 Hea .

依個 Tea Set 既三文治有 3 款 , Cake 都係有 3 款 . 同事選擇食 3 件 Cake + 5 件三文治 . 小地勤就食左 5 件 Cake + 3 件三文治 .

蘋果派 , 跟小地勤想食既個款唔同 , 但依款都好好味 , 食左 2 件 , 好重肉桂味 , 好清甜 .

紅桑子 Cake 食左 2 件 , 酸酸甜甜 , 超正 !

朱古力 Cake , 歐洲朱古力又濃 , 個味又唔假 , 果然唔會令人失望 !

我地真係食到好飽 ! 一個人邊有可能食得曬 ? 大家一定估唔到依一餐食左幾錢 ! 一個 Tea Set 配茶先 15.5 歐 , 約 155 蚊港紙  , 仲要係兩個人份量 . 下次大家想係柏林 High Tea , 可以考慮一下依間 Cafe . 

偷拍了好攪笑既光頭哥哥 , 佢負責照顧我地依圍枱架 ! 每圍枱都有衣架勾住件大褸 , 好體貼 !