2013年6月13日 (晴)
今日行程先放低兩個朋友係普達措國家公園玩 ，我就可以四圍 hea 了
哈哈 ! 帶埋 我個 honey周圍影吓相先
六月份嚟香格里拉，又點少得睇杜鵑花
不過我真係嚟遲咗少少，好多都凋謝了.......
![*:(( 嚎啕大哭]()
大杜鵑就睇唔到，不過就都仲有好多小杜鵑
如果係時候，通山都係開滿花，真係靚爆呀 !
真係有d 失望，兩次嚟到都睇唔到大杜鵑開花，莫非要我嚟多次 (又搵藉口去玩..呵呵)
除咗有小杜鵑，係這個時候嚟玩，仲有好多小花花
滿山滿地都係，都好鬼正呀 !
e 舊枯木側邊有棵草，好似話係藥材，不過叫咩呢? 唔記得咗 la.....
影完花花，接埋2位朋友，返古城了
四方街既燒烤檔開始營業，最怕熱氣既我，當然冇咩興趣試啦 !
所以好唔好味我就唔知道 la...
![]()
耗牛酸奶........要挑戰自己既尺道，你就去試啦 !
包你話酸到冇朋友...哈哈!
![*^#(^ 不是我幹的]()
![]()
e 棵菜 又有咩好影呢?? 因為係時令野菜，上山採的
咩名唔知道，不過係本地菜，我緊係會試吓啦 ! 質感有 d 似 露筍，好正架 !
![]()
一舊舊咁肉酸又係咩嚟呢??
![*:-B 老古板]()
答案: 乳酪 (好似一堆堆屎咁既款，見到都唔想買呀!)
6 點幾鐘太陽都咁鬼好火，仲要爬上去返我間客棧
![*#:-S 抹一額汗]()
就係佢囉 ! 紅石頭客棧，店主係深圳人，所以係度講廣東話係有人識聽架ga
唔好鬧人死蠢呀!
![*:)) 開懷大笑]()
![]()
裡面既格調都幾好 feel
天台 仲有個藍天白雲既古城 view 好正呀!
企係度吹吓風，同朋友吹吓水 .......爽呀!
今日就係咁樣百無了賴地渡過，咁簡單既生活又真係唔錯
真係好想搬嚟雲南生活，真係好鬼hea
醒呀! 醒呀 ! 恨吓好喇!
死窮鬼!
玩完好快 d 返去捱騾仔，有排都未搵夠錢退休呀!
![*=)) 笑倒在地]()
感謝 LazyPigPig 提供以上資料
個人日誌: http://www.lazypigpigso.blogspot.hk/
