行咗10分鐘就到咗個亭
向上行，向上行....大汗疊細汗
點解會會合番剛才見到既老外村民ga，班老外好奇怪，點解又見番我地ga
陰陰笑...oh !another way......
我想像到，行車路應該會舒服好多囉! 因為佢地隻大笨狗仲識笑囉!
![*:(( 嚎啕大哭]()
今日出發時間太晏了，芝麻灣就留番下次先行
![*[]==[] 運動]()
到咗 E 樹之後就開始舒服喇 !
因為鄉下妹可以下山去搵回魂大檸樂喇!
分岔口.......行左定行右呢???
右行向白富田營地進發
又見到小樹先生生咗層皮保護自己，自行運功療傷
![*<):) 醒目]()
又係分岔口....左定右.....?? 我知! 我知! 左右都有廁所
哈哈 ! 好明顯我行錯咗一次啦! 應該係行左面.......
![*:)) 開懷大笑]()
細佬話我，廁所有咩好影........
我話我第一次見到個好似 salon 既廁所，緊係要影張相笑吓啦!
![*=)) 笑倒在地]()
笑完.......繼續下山
難得見到有花花，離遠睇好似熟咗既香蕉
![*=P~ 流口水]()
16:10 嚟到 L 133 既標記柱
前面風景無限
先出現既係芝麻灣
喜靈洲都見到喇 !
長洲、南丫島、喜靈洲、周公島、坪洲
嘩 ! 好正既風景
休息咗一陣，繼續向梅窩出發
仲有半粒鐘....GOOD!
已經到咗L 137 ，今日目標係 L 139......快喇!
最怕濕淋淋既泥路，感覺唔多好 !
望到梅窩碼頭喇 ! 行快 D 行快 D
我要飲大檸樂
![*:D 咧嘴笑]()
嗚 ! 我係終點 L139比隻白蚊衣蚊鍚咗一啖呀
![*:(( 嚎啕大哭]()
好 ! 17:15 任務完成，全程用咗3粒半鐘，上山下山路各一半
所以梅窩定貝澳出發都一樣啦 !
![*[]==[] 運動]()
呵呵 ! 繼續....下一站....長洲食飯飯
坐番轉開心橫水渡先
6點幾天都黑晒，冬天不遠矣
18:45 到咗長洲，先走去買番幾件媽媽至愛紅豆糕先
再去街市會合媽媽買海鮮.......
我最鍾意食既椒鹽獺尿蝦.......
![*:x 愛意]()
炒蜆.....
![*:x 愛意]()
又點少得細佬至愛生炒骨丫
韮菜豬紅生腸... no good ! 生腸好嗅呀!
![*#-o 是這樣喔?]()
好耐都冇嚟過長洲食飯飯，又好耐冇食過大排檔，今日真係好滿足
雖然長洲已經好商業化，但我覺得還可以找到一點漁村味，最重要係冇呠呠車
所以我都幾喜歡長洲，仲有呀 ! 今次路過阿倫冰室，見佢門面已經重新翻新
唔知佢既咖哩同干炒肉片意既味道有冇變呢?? 搵日要入嚟食番先得，尋找遺失咗既青春回憶都好
食完飯飯...孖住媽媽 & 細佬 去允升食糖水
好耐冇食過涼粉，緊係整番碗嘆吓先啦!
![*:x 愛意]()
食完糖水慢慢轆番出碼頭坐船返歸喇 !
咦 ! 咩嚟架.......生菜魚肉、碗仔翅...車仔檔
哈哈! 又係好耐........冇見過同冇食過 (仲係白魚肉).....一碗吖唔該
![]()
哈哈 ! 買完上船繼續食.....
![*=P~ 流口水]()
哎呀 ! 咁食法，肥到我自己都忍無可忍
食完嘆完....番去要努力做 running 豬 !
![*[]==[] 運動]()
唔好可以再做 fat fat 豬 !
(聽住先啦 !
![*=)) 笑倒在地]()
)
![]()
快樂既時光過得特別快，要同黑忟忟既長洲 講bye bye 喇 !
![*:-h 揮揮手]()
感謝 LazyPigPig 提供以上資料
個人日誌: http://www.lazypigpigso.blogspot.hk/
老人山
北潭涌郊遊徑
菠蘿園
菠蘿園
破邊洲
石澳郊野公園
觀音山 (大嶼山)
長山