唔記得影相tim
15:45 終於嚟到荔枝窩
行快d 去探吓白花魚滕先
![]()
唉! 滿目瘡痍，慘不忍睹....
真係人怕出名，豬怕肥， 自從白花魚滕出咗名之後.......
比人玩殘咗，踩到冇晒生氣，大多數都枯萎晒，睇到都肉赤呀!
而家唯有圍住佢地，等 d 白花魚滕可以休養生息
保得幾多得幾多啦 !
![]()
大家要記住，好好珍惜我地既大自然環境
破壞一分鐘，復完可能要上百年，所以唔好隨便去破壞大自然既自然生態呀!
![]()
16:00 入村喇 ! 環境真好....
有記客家菜，假日都冇開，唔知仲有冇運作呢？
![]()
學校保存得幾好咁wor
我係度想，如果e間學校，加多2粒字"國際" 學校
就算e樹 係山卡拉咁遠既地方，都應該會爭崩頭排住隊嚟讀吖
哈哈 !
![]()
咩事 ?? 做咩欄住我？？
![]()
係 e 間廟側邊上去.....
![]()
又幾特別 呢??
哈哈 ! 未就係風水林囉 !
真係好大個樹洞...
探完2位過佰歲既秋楓樹....
繼續向前出發
五指樟
咦 ! 點解得3隻手指，唔係5隻咩 ??
哦 ! 原來係角度問題，不過點解都係得4隻手指 ....??
唉! 原來打仗時比日本仔鋸咁一隻.......
bye bye la ! 五指樟，秋楓樹
16:15 向分水凹進發
![]()
過咗 e 個牌就一路各上行，向上行....
上上落落，全程石頭路
攪到我要谷行副 engine，谷到大汗叠細汗，上氣唔接下氣呀 !
17:30 終於到達谷埔，見到平地喇 !
牛牛。唔好過嚟追住我吖
我好趕時間 (怕天黑)，唔得閒同你玩遊戲呀！
![]()
對面既梧桐山你好呀 !
朵花開得剛剛好，好靚呀 !
仲有我最愛影既朱槿(大紅花)
由於趕時間冇行過去，影張相算喇 ! bye bye 谷埔
剛剛見 到e 位哥哥釣咗條幾斤重既大魚...好勁呀! 恭喜晒!
![]()
沿路有好多蟹仔，係度爬吓爬吓，唔執書拍張近照先
加插一張 鳳坑日落 + 梧桐山 + 大小梅沙全景
今日既日落真係好靚好舒服呀 !
攪到我掛住睇，唔記得咗日落完了，天會黑 tim
![]()
要行快 d 喇 ! 一陣摸黑就唔好啦 !
喂喂 ! 太陽伯伯.......等等呀 !
![]()
睇嚟太陽伯伯真係好趕，唔肯OT
莫非佢要趕返去睇衝上雲霄大結局 ?
我都要睇SAM 哥呀 ! 等埋我吖.....
18: 40 到達鹿頸
輕輕鬆鬆 5 小時多 D D 達標完成
玩咗一日，天都黑晒，坐VAN 仔歸家去了
如果想知道路線，請自己睇啦 !
http://www.oasistrek.com/lai_chi_wo.php
感謝 LazyPigPig 提供以上資料
個人日誌: http://www.lazypigpigso.blogspot.hk/
烏蛟騰
北潭涌郊遊徑
菠蘿園
菠蘿園
石澳郊野公園
鳳園蝴蝶保育區
水泉澳
鶴咀海岸保護區