喇~~~ 我就真係好有心既~ 不過忙已經係離唔開既理由之一~ 我個卜真係吽菇菇喇 ! 十一月忙, 十二月聖誕勁忙, 一月搬屋爆忙, 二月農曆年將會更忙, 三月應該唔忙但我又決定去旅行可能都忙 ! 哈哈哈 因為前幾日朋友黎housewarming既時候講起我地個溫泉卜仲未出, 我都好開心好掛住同你地狂歡既兩日一夜 ~ 所以我前晚的起心肝執相, 今晚就寫卜~ ! 好啦~ 去開心下先~
四條Queen溫泉の旅《台山康橋溫泉酒店》
15-16 NOVEMBER,2014
點解會去溫泉呢 ? 我都唔記得, 應該都係Shadow既建議~ 哈哈哈哈 ! 可能我突然會收到whatapps, 你有無興趣去轉韓國呀 ? 你有無興趣......? 哈哈哈 ! 我地真係話行就行, 好爽YY~ 因為都好耐無去浸溫泉喇~ 所以一口答應去尋開心喇 ! 哈哈 ~ 我地三個成行, 加多位朋友四個就岩岩好喇~ 今次加入我地既朋友係力奇~ 我相信佢呢個旅行最大得著可能係睇清楚我地呢幾個人, 幾咁真性情, 幾咁隨便(姐係無所謂), 幾咁識食, 幾咁爛玩, 幾咁搞笑~ 哈哈哈~ 不過好開心力奇加入我地一齊開心~ 出發喇~~~~ yeah~
我地今次係參加《達美美食之旅》, 好開心終於參加到, 呢間團好FULL, 所以成日都訂唔到, 我發覺呢間公司D導遊專業D, 同埋真係會講解下行程, 因為平時JOIN個間唔太講解, 呢間連食咩餐都會講~ GOOD~ 係羅湖順順利利上車喇~
大家出發前已經提我整芋頭酥俾佢地做早餐架喇~~ 哈哈~ 一上車就開動 !
♥ 我既旅伴 Coey, 仲一齊著白色衫~
首先我就咩都無理, 食完早餐我地大覺訓, 訓醒第一站就係食午餐~ 我好記得呢餐係食脆肉鯇, 真係好好食~ 又有得打邊爐啦~有成5碟脆肉鯇~勁多~ 同我地同檯D auntie姐姐仔好好人, 佢地成兩圍人, 多左我地四條Queen~所以都好照顧我地~佢地仲帶埋牛肉上黎打邊爐~正到呢~
全部都係脆肉鯇, 好好食~ 真係好脆~ 又唔係好腥~ 好好味 ! 見到都想食呀 !
肥美爽口既脆肉鯇~
有薑絲辣椒醬油, 可以去腥~ good~
又訓夠又食飽~ 出去行轉先, 不過係無野買既~
下一站就係去超市~ 其實都係買零食~ 無咩買~ 好多飲品~ 唔敢買~ 哈哈
千頌伊我女神喔~~~
Shadow Coey最喜歡既酸梅湯, 不過唔知點解加左陳皮味, 所以無買~
Shadow介紹我買, 佢話呢隻醬好正 ! 炒餸一流, 我炒過雞~ 真係正~ 好野味~
呢條叫薯脆, 好N耐前買過發現幾好味~ 仲要買泡菜味~ 辣辣地~
無記錯應該坐左3個鐘終於到左康橋喇~ 今次住別墅式~ 同上次屋企人唔同~ 最正係咩~ 係有麻雀任打~!!!! 係我地既目的之一~ 哈哈哈 !
望下個景都唔錯~ 不過好多蜜蜂~ 唔好亂開窗~
兩層既房都唔錯~ 乾淨整潔~ 不過就好多蜜蜂~ 我地最後放棄二樓既房, 四個訓一樓間房, 因為上面有兩隻蜜蜂玩""捉兒因""~ 唔出黎, 但夜晚我地開勁凍冷氣終於見佢地凍到訓左係地下, 不過未死, 就呆下呆下~ (事關我地上去拎被) 哈哈 !
YEAH ! 四方城呀!!!
我地好彩, 係最出個間~環境唔錯~
一棟兩房, 所以四個人先住到~
一二三笑~
參觀完又同蜜蜂大戰完, 我地終於出發去食晚餐~ 真係食食食~有車接送~
餐廳~
發現到我電話同相機係可以用WIFI連接過相我就知, 原來仲可以控制埋用電話按影相~ 好方便呀~~ 試下效果~ 其實真係只方便自拍~
開飯~ 又食~ 肉丸好味~ 不過係咁而食下算~ 因為我地要宵夜~ 哈哈哈 !
同檯D AUNTIE姐姐介紹我地去呢間食, 可以叫埋送上房好方便, 又或者打俾佢有埋接送服務~ 其實呢D一定係酒店門口, 不過呢間酒店門口太遠~ 不過我地貪方便, 係酒店食~因為上次食過都幾好味~
食完訓HEA陣就沖涼出發去浸溫泉喇~ 浸浸下好舒服呀 ! 呢種天氣去浸真係岩岩好呀~ 同埋環境舒服既~ 浸完沖涼休息陣, 就去重點食宵夜喇 ! 就係呢度~ 源泉吧~
呢度既宵夜都唔錯架~ 會貴出面少少~ 不過凍凍地, 好有風味呀 ! 我地等咁耐就係為宵夜! 哈哈哈~
介紹佢地食炒米粉~ 同雞粥真係好味~
仲有我地最愛燒粟米~~ 食飽真係好飽~
我地要返房做正經野呀 ! 哈哈哈 ! 真係開戰喇 ! 玩到成一點先停~~ 係眼訓到呢~~ 已經成個腦放空哂~ 呆到傻左~ 又浸完溫泉又食飽, 其實眼訓程度係100%~ 但為左電動麻雀機, 我地點都要玩下~ 哈哈哈哈 ! 年輕就是瘋狂嘛~
16 NOVEMBER,2014
訓醒又一條好漢 ! 大家尋晚玩到咁夜, 仲可以咁精神! 哈哈~
最後十五分鍾時間去望下有咩食~ 粉米粉是重點~哈哈 仲有杯紅茶~
其實無咩胃口~ 因為一陣又要食午餐~ 好辛苦我個胃~ 未停過~
返去執行李, 好想玩一鋪
好趕咁玩, 但夠鐘上車喇~ 哈哈哈~
BYEBYE喇~~ 有機會再黎玩啦~~
兩個鍾後又係食午餐時間~
好好人既AUNTIE姐姐~
三位團友望呢邊~
好豐富 ! 見到都飽~ 不過呢餐好味道~
團友我地下一站係陳皮批發中心~ 好大好靚外觀~
好有特色既陳皮批發中心~
只要皮~ 唔要肉, 可以係度任食~ 不過咁酸~~
COEY決定留係度做陳皮妹~
其實可以買走, $1人仔, 夠酸要D汁黎解下個胃, 因為好多汁, 不過真係酸, 同埋我重點係想用左個$1人仔~哈哈哈 !
旅程唔係就咁完架~~ 我地自己已經決定食埋飯先返香港 ! 哈哈哈~~ 去左萬象城搵食~
呢間餐廳我都係OPENRICE搵既~ 估唔到又真係正啵~
環境舒服~ 唔好以為萬象城得LV賣, 其實D餐廳都好平, 我地每人先百幾蚊人仔落樓~ 環境同食物質素好合理 !
蓉悅
又食~
仲叫到一檯都係~ 不過全部都好好味 ! 八粒星推介 !
好開心呀團友, 好開心帶到你地食好野~ YEAH ! HAPPY ENDING~~
麻醬鳳尾(係油麥菜, 幾特別又幾好味~), 黑椒杏鮑菇, 麻辣雞絲冷麵, 口水雞
水煮牛肉, 麻辣子雞丁, 招牌茶仔鴨 香拌萵笋
係全部都好好食 ! 下次會帶屋企人黎試~ 好開心好幸福好滿足, 相信睇完呢篇卜唔使食, 都飽啦 ! 哈哈哈哈
蓉悅川菜
地址 : 羅湖地王寶安南路1881號華潤中心一期中區萬象城四樓468號
電話 : 8611 2188 / 8611 2998
感謝 仙蒂小溫太 提供以上資料
個人日誌: http://cindylittlemrswan.blogspot.hk/
