小齊今日返學校開PARTY,
之後就會放新年假~
其實上星期五已經派發左成績表同叻叻 PAPER
話時話, 之前果幾日心情都有D 忐忑~
幾搞笑, 我自己測驗考試派卷我都好似冇咁忐忑...
而家好似係我派成績表咁
不過我都掩藏得好好, 冇表現到比小齊睇我緊張佢成績
今次第二次評估比上次差左 D, 上一次all full marks (唉, 寫落成績表果次先差左)
不過其實我都算滿意, 2科100, 另2科扣左o的"傻豬分"
常識 paper 我比佢笑死,
"雞的咀是尖的" --- 小齊答案 居然係 "X" ??!!
最抵死我其實見到佢有鉛筆痕o係下面"tick", 即係本來啱改返變錯...
我問返小齊乜你唔知雞o既咀係點咩?
我地睇 audio books 都有好幾本係有講雞咖喎
好似 HENNY PENNY, HATTIE AND THE FOX...
小齊話: "我一時唔記得左雞個咀係點 ar ma..."
呢個傻妹仔... 咁都冇辦法啦
我都冇話佢, 對於唔識o既問題其實冇乜好話
好似我自己細個都錯過呢d o野, 真係唔識都冇得好講
仲好記得果次係 "十" 填方向東南西北
我一心諗有箭咀開始係"東", 所以4個都錯晒...haha...
比阿媽笑我,...咁人地真係未見過嘛...
但錯過之後就好深刻囉 (你睇我而家都仲記得)
所以錯有時都係好事, 今次同小齊 go thru 返 D 卷更加了解佢呢!
大意錯o既下次可以小心謹慎o的, 唔識而錯o既就再努力學習囉~
上學期小結其實我都好滿意小齊o既表現
上堂都應該算乖,
係試過有一個星期無啦啦"扭計" 喊, 好彩都好快回復返
多得好多媽媽 friend 影小齊d 相比我以慰我單相思之苦...
功課暫時都算幾肯做,
最好o既地方係我唔睇住佢都叫做得可以,
咁我唔駛咁勞心勞力
小孩子當然會扭下計, 唔肯做功課o既時間都會有,
咁我話"由佢囉, 同老師講你心情唔好唔想做"
咁小齊都知死, "我心情唔好我想聽日先做"
我都話好, 去婆婆度先做啦, 自己功課你自己負責啦
寫字其實真心算不錯, 媽媽要比個讚佢...
近日我仲叫小齊練習下寫唐詩,
諗住橫掂有背誦開, 不如試下寫埋啦
媽媽逐個字教, 小齊一路睇一路寫當練字~
放假有時間都想同小齊練多幾次
佢寫完o既紙我再拎o黎寫, 幾環保~
K2 開始日日都搭校車來回, 小齊話佢自己有時會瞓一陣
阿公話佢有時落校車瞓到衫都濕晒 (流口水) ! XD XD ~
咁都好o既, 唔瞓夜晚人攰就好扭計咖喇
成績方面除左上面講o既paper 之外,
成績表o既GRADING 比K1 時係有進步,
B+ 多左, COUNTING 有A- 進步最大, K1時得 B咋 (但我唔知評分標準是??!)
上學期都有清潔獎, 請過幾次假冇出席CERT,
果日我同小齊睇字典問佢知唔知咩叫 ABSENT?
佢話即係冇返學囉, 我都好出奇點解佢知o既? 係咪老師教?
小齊故弄玄虛話唔係, 叫我揭開本英文簿睇下,
原來老師o係缺席果日o既功課上級左"ABSENT"印,
小齊話見到所以認得... 咁真係ABSENT都學到o野噃
睇左前輩小橙子媽媽BLOG 話要爭取下親子美勞獎,
總算達成使命! 不枉我花咁多心思同佢做勞作~ 老懷安慰 mode...
剛剛又收到 ORDER 假期整新一輪親子勞作同埋專題研習了
還好新年假KV 係冇功課o既 (舊年都係)
學校真係好貼心!! 新年就放心玩玩玩吧!
期待下星期出發去日本呢!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
