今日對腳好鬼痛丫
事關尋日走咗去行山，由羗山行到大澳，行程4-5個鐘啦 !
一向小運動既我行完番嚟仲唔散咗咩
不過都比上次行月牙谷好
今次應該唔會破紀錄痛2星期
中午係深屈道鳳凰徑出發
一開始就見到呢條樓梯.......哎呀!
行到第一個山頂，風景真係幾好ga !
仲可以睇晒成個石壁水塘tim.........
可能因為秋天既關係四周圍都係蘆葦草呀!
![]()
上到頂回望番e條樓梯既時候，我已經喘晒氣了
影完張相再抬頭一望
吓! 仲要行樓梯，唔係丫
我已經好辛苦la，help 呀 !
下次都係唔好帶部單反去行山，累死人ar
行行吓
吓! e 個叫觀音山，邊忽似呢 ?
![]()
2點幾終於行到羗山頂
哈哈! 好嘢! 過咗e度之後就唔使行樓梯上了，以為之後會好舒服......
點知上山容易落山難，要行土路呀!
可能係之前既黑色暴雨關係啦 ! 有好多路都比水沖爛晒
望去對面個山，好多黃色一忽忽個d就係塌方la
開始落山了 ，都幾好丫! 好輕鬆吓 !
加上天氣涼涼地，都真係好爽吓wor....heehee
今次路線仲可以去埋龍仔悟園 tim
落山路，好easy 唔使半粒鐘就到
好嘢! 有開門可以入去逛個圈
跟手拍拍照先
d 有錢人真係犀利，係荒山野嶺
整個有亭台樓閣既花園
仲要棄置咗都要搵人打理吓
錢多到呢 ?
![]()
e度冇咩修葺，但都可以估到當年應該都好靚吓
影完相，入面個嬸嬸都走la
我地當然都走啦 ! 唔好阻住人收工ma
跟住我地就繼續行了，行行吓!
已經可以望到我地既終點站
大澳
![]()
![]()
嘩! 好似好遠，不過一路落其實好快就到
就係一路落，一路落，仲要好斜 tim
條路咁鬼斜，又驚PK ，仲要顧住部單反
落到個大脾同個膝頭哥都要擺工呀!
打壞後生，真係冇鬼用丫
![]()
yeah ! 終於到了，一大隻咸旦黃向著我笑呀 !
![]()
行到個去橋頭既時候，隻咸旦黃仲咸到漏油 tim
大澳既日落真係好靚丫
睇完咁靚既日落
緊係搵番我至愛既
砵仔糕同埋炭燒雞蛋仔啦 !
不過砵仔糕就冇得買lu，阿伯既炭燒雞蛋仔就搬咗去蓮香果邊
爭 d miss 咗 tim
哈哈 ! 食完感覺好滿足 la
坐車返歸llu
感謝 LazyPigPig 提供以上資料
個人日誌: http://www.lazypigpigso.blogspot.hk/
