天都未光，一早就爬起身出去睇風景，超凍~!但風景就係一流。
之後，拿拿林食番個早餐，個早餐就真係普通左D。其實我對能取の荘係有少少失望，唔係想像中咁大魚大肉。
食飽飽就出發去網走監獄，呢個監獄真係呢....環境靚到不得了。不過當年冇暖氣，係零下既溫度下又唔知點捱呢。
沿住山路上，就係天都山展望台，可以睇哂成個網走既景。入面有個叫鄂霍次克流冰館，睇下D大流冰咁啦。
離開網走前，先去一去西松屋，基本上係必定動作。呢到係一個SHOPPING集中地，有好多唔同既商店。
行到邊食到邊，呢到有間食定食既鋪頭，一人一個定食，都唔錯。
之後就飛車去阿寒湖，途中會經過道東三湖既屈斜路湖砂湯。又係個句，靚到呢.....
以為另一個湖摩周湖好近，原來係第2座山到既。去到時太陽伯伯已落近山，同埋好鬼好鬼大風同凍。企左一陣頂唔順...走。
走時都3點左右，又要飛車去酒店。呢晚住既酒店好似話係全北海道數一數二既溫泉酒店，あかん鶴雅別荘 鄙の座 。
級數真係冇得頂。冇野講，自己睇。
晚餐就落番去飯堂，一間一間房咁安排既。食物方面唔錯，但始終唔係自己心目中既質素。可能期望太高吧~!
============================================
感謝 龍人遊記 提供以上資料
龍人遊記的網誌: http://dragonman-t.blogspot.hk/
============================================
唔講唔知咁凍
