活潑蛇B們的歲半生日party♡附平靚正cupcakes和立體蛋糕推介♡

羊年好! 祝大家羊年行好運! 

家肥屋潤!小朋聰明伶俐!

新春佳節, 同大家分享吓之前

我地一眾蛇b的歲半生日Party嘅開心事啦~

不知不覺, 余小b已經歲半喇! 

我們一眾媽媽早前搞左個歲半BB聚會和生日會^^

當日, 眾BB都穿上了新年裝, 好可愛啊!

由於我地十幾位媽媽來自港九新界, 

所以選左係中間點---荔枝角開個3小時派對~

能夠跟15位同年同月同日生的蛇b一齊慶祝真係好開心^^

呢個場地雖然不算大, 

但勝在有多項遊戲設施如大型波波池、

車車、小型滑梯、鞦韆、足球龍門和小型廚房玩具等...

場地已有簡單的生日佈置, 

如果要求不太高, 其實連banner都可以唔需要整~

呢度亦設有小型儲物櫃供擺放私人物件~

余小b又玩到忘晒形喇! 波波池超受歡迎!

大愛車車!

余小b識得同朋友仔分享玩具, 抵錫!

場地仲提供呢個新年場景俾我地自助影相^o^/

當日剛巧party公司嗰位攝影師有少少時間, 

可以免費幫我地影低頭一小時嘅花絮, 

遲d可以拎番所有soft copy~

(非常感謝party公司和攝影師哥哥啊！)

今次我地其實係1月頭才臨時決定搞歲半party,

所以只有約3星期時間去籌備~

由於時間太倉促, 所以只找了少量sponsors！

(感謝所有贊助商的支持)

好彩我地今次搵嘅租場公司免費提供埋

party統籌和司儀服務, 所以基本上我地只需要

同佢地事先夾定個party流程, 

當日就可以交晒俾佢地~

諗番起之前搞過2次蛇b們生日會, 

其實真係幾多準備功夫, 甚至係party當日,

余媽媽因為要做MC或IC, 

所以都唔可以完全enjoy個party~ 

但今次就唔同了！一身鬆晒~真開心!

我地同party公司一齊準備左d小禮物俾每位bb~

食飽飽。。。

我地一齊玩彩虹傘~

余小b玩到癲晒!

仲有搬尿片比賽~

余小b得到第4名, 獎了一包果汁~

最後, 當然唔少得有我地嘅歲半生日蛋糕出場啦！

今次一於搞搞新意思! 

訂左15個印有我地可愛bb樣的cupcakes, 

夠晒獨一無二啦～

而且全個cupcake都可以食得, 

面層係用糖膠造, 

而入面的cream亦唔會太甜, 幾好味!

不過, 眾媽媽又點捨得食“自己個囝”

落肚咁殘忍吖！有見及此, 

party公司都準備左紙杯俾我們存放“bb”, 

咁樣拎番屋企咪唔怕會整爛囉！真細心~

想訂呢款cupcakes其實好簡單!

我地只係預早14日提供BB相片俾party公司

幫手落單訂就得喇~ 

(盛惠每個38元, 12個起^^以tailor-made嚟講都唔算貴)

仲送埋呢張生日卡作紀念添^^

有媽媽提議買多個美心立體蛋糕影相靚d~ 

相信呢款蛋糕平。靚。正, 近來的確搶左唔少生意!

呢款2磅嘅立體蛋糕用埋美心Happy card 8折後

只需三百廿幾蚊, 好超值呢! (而且幾好味)

就算平時自己開party買個番嚟一d都唔失禮~

訂蛋糕一向都係party中開支較大的項目, 

有左美心呢個選擇真係可以幫媽媽們慳到唔少錢!

當日我地同BB們一齊渡過左美好的時光! 

好開心呢～

祝各位bb身體健康! 快高長大^^

相關文章:

余小b熱熱鬧鬧一歲生日party

余小b@開心難忘又好玩的半歲生日party

歡欣滿載♡樂而忘返的BB聖誕Party