9 速成:自己動手打戒指

話說某日上網見到ARTSOFUN有手製戒指班。於是就去參加，事後他們邀請我在這裡幫手講兩句。

既然是攻略，咁我就講講心得好了。

以下大部份圖都係在ARTSOFUN內取的。(經他們同意了)

最考心思-

我覺得選擇哪個國家硬幣係最心思。負責人一早已經放好不同國家的硬幣比我地揀。因為事前冇諗過隻戒指既紋，所以完全一片空白的，揀都揀左半個鐘。最後我揀左港幣兩毫子!

呢個係師父打既(下面係港幣兩毫子)

佢地全部都係女皇頭兩毫子。師父話女皇頭靚D

最考經驗-

接下來要開孔了，開一個孔，等於判定隻介子既生死。事關開的正中才可以打出一隻四邊平均既戒指。

上面是日本50YAN。如果你自問打不到正中，可以選日本YAN。它們本身有孔了。不用打。但重點是燒打時間較長。

最考關鍵-

打完孔後就是造型了，打是一個較費時的一步。不停的加熱不停的打。。。x N次

這個工序，不但要用力，還要確保戒指受力平均，一但不平均，要用多好多時間修正。

一邊打，一邊留意大小。太大要改細，但改細有機會影響本身的紋。所以打前要小心度好大小。不要急著打。

上面果隻唔知咩黎，想知就去ARTSOFUN問

最考耐性-

上面的工序係造型，但還雖要打磨。做這工序前，你需要想清楚，你要的戒指是感覺復古一點，還是高雅一點。不是每隻的紋都能復古，反之亦然。師父會給意見，決定就要靠自己了。

我選擇了復古一點(好像魔戒FEEL)

成品誠品

其中一隻是我的

總結-
成個過程，要一點力，我做的兩毫是較軟的，很易打。在場有人打日本YAN，較硬，女仔打日本YAN較吃力。如果一男一女去互相幫手較好。男力大，可以幫手打；女細心，可以幫手打磨。三個鐘內可完成。手作仔黎講，算係好特別。

建議大家

去前去ARTSOFUN個FACEBOOK參考下，不要花太多時間揀硬幣。留多點時間打磨。