峻峻第一套入戲院睇0既戲係2歲9個月時候...
自此... 就上癮了...
好多時, 佢見倒有卡通電影廣告, 佢都會話"MAMA 我想睇AR"
今個新年... 我地都睇左2套~~~
係... 2套都係白生REQUEST 的...
白MAMA 而家入戲院都全為佢~~
第一套我地睇0既就係"STAND BY ME 多啦A夢"AR
由細到大, 白MAMA 都好鐘意依套卡通~~
會幻想自己都有一個叮噹... 咁就好喇....
白MAMA 最渴望得到0既法寶係"時光機:"..
希望時光機可以帶我回到無憂無慮0既小時候
前幾個月, J2 台逢一至五6:00PM 都會播多啦A夢...
峻峻每日放學都要睇, 同MAMA 一樣咁鐘意...
直至換左小丸子, 峻峻話: MAMA , 冇左多啦A夢喇...
而好不幸地, 幾日後, 就收到林保全逝世0既消息...
依套戲講多啦A夢令大雄得到幸福, 完成任務, 所以要離開..
再加上, 林保全最後一套配音..
講真, 只係再聽番叮噹把聲, 己足夠感動喇~~
前半是笑的, 後半是感動的...
峻峻影評都話好睇AR~~
一睇完多啦A夢, 白生就話要睇"乾爭爭企鵝"...
仲急不及待話第2日就要睇...
其實白MAMA 冇咩留意依套戲廣告..
純粹只係陪白生的, 所以本身期望唔大...
但原來, 套戲幾攪笑,
大人小朋友都會笑...好多攪笑位...
峻峻都笑得好開心....
故事都有情節.. 應該好睇過今年3套港產片吧~~
峻峻影評話, 覺得依套好好睇...
好睇過多啦A 夢...
可能多啦A夢0既離開對小朋友黎講都係太深喇~
所以, 峻峻影評, 係推介"乾爭爭企鵝"的~~~ HE
同場加映, 和COOL 魔合照~~~~
