《寶寶食譜分享》簡易☆速煮☆營養餐

有一日, 余媽媽打開雪櫃發現只得棵菜, 

忘記左部新雪櫃剛送來

仲未有時間去街市入貨添! 

(今年情人節突然壞雪櫃, 搞到忙得一頭煙。。。)

OMG!!! 

余小b午餐時間就到喇! 

仲可以整咩俾佢食呢？

諗諗計仔先!

好! 一於搞搞新意思, 整碗什錦貝殼粉～

可能大家以為余媽媽講笑! 

得d西生菜點整到什錦通貝殼粉呢? 

而且之前都介紹過三鮮貝殼粉食譜啦 

(按此參看食譜)! 

今次又有咩咁特別呀？

余媽媽話明會搞搞新意思, 

亮點: 今次就係加入左呢款

BB專用嘅雞肉雜菜粉一齊整, 

代替左將幾三蔬菜砌粒~ 

一來可以節省好多時間, 

二來又營養豐富, 

三來成碗粉都好colorful, 

帶來視覺刺激! 小朋友食都食得開胃d啦^^

講吓材料和做法先:

材料:

BB貝殼粉適量 (可用通粉之類代替)

製法:

1. 取出所需份量的BB貝殼粉

(如想快些熟和變軟, 可先於熱水中沉約10分鐘)

2. 把西生菜洗淨砌碎備用。

3. 先把貝殼粉煮熟, 

加入已砌碎的西生菜再煮多一陣。

***其實呢d砌碎左嘅西生菜有助

鍛煉小朋友的口肌, 

所以菜唔需要太早落, 

以保留口感和營養~

4. 最後, 把BB專用雞肉雜菜粉加進

煲內攪渾就完成了！好EASY哩!!!

呢款什錦貝殼粉色彩繽紛, 

賣相唔錯哩  XXD~

見余小b食到津津有味就知道幾好食啦^^

余媽媽特別推薦呢款食譜俾忙碌的媽媽們~ 

因為快。靚。正兼且又有營養~

加上, 有時如果想偷吓懶, 

整呢碗粉仔俾小朋友當一餐絕對交到功課!

為小朋友發展着想, 

佢地有番一歲大, 

絕不能只食米糊啊！

希望你地嘅寶寶會喜歡

呢款「臨急臨忙」整嘅什錦貝殼粉啦！