探險家攻略 > 城中探秘 / 美食之旅 / 旅遊 > 特色景點 / 餐廳 / 其他 / 長線旅遊 > 博多。天神﹑一風堂拉麵﹑Pokemon Centre﹑新幹線800系列車

博多。天神﹑一風堂拉麵﹑Pokemon Centre﹑新幹線800系列車

由平凡人於 2015-03-02 14:45:00 發表 | 累積瀏覽 881

分類：長線旅遊餐廳其他特色景點；地區：九州

^^ 祝大家新年快樂 ^^

< 福岡﹑熊本﹑小倉﹑長崎5天遊 >

第二天（續）

經過令人失望既阿蘇火山之旅再次回到熊本，冇出站直接坐新幹線返博多，博多拉麵等緊我架要快啲返去先！

熊本站大堂唔大，好易見到觀光案內所同售票處，順手拎張熊本地圖睇定有咩玩



入閘啦


坐6:24車返博多

咁岩又遇到係阿蘇站一齊上車個班乘客


車到啦！今次坐九州新幹線專用既800系列車

列車內部好靚


廁所都係又大又靚



講手提電話要入去指定房間；最估唔到既係新幹線列車上連吸煙房都有，雖然食煙唔關我事，不過第一次見到火車上有吸煙房咁特別



指定席座位同樣係又大又舒服

相對N700系，呢部800系既座位比較薄，冇N700個啲咁軟熟，不過唔洗擔心，兩款車都行得好平穩，坐得好舒服

話咁快就返到博多，舒服到唔想落車
呢班車停站較多，由熊本到博多需時48分鐘，唔算耐啦？

都係覺得旁邊部N700型啲


落車後就上到博多站樓上阪急百貨，呢道都可以見到小黑

行百貨公司shopping我就冇興趣啦，我黎呢道係為左Pokemon Centre

見到好多熟悉既小精靈



今日暫時唔買野住，先影啲相比妹妹睇，等佢慢慢揀好之後過幾日再返來買過



呢間Pokemon Centre比起大阪個間細好多，賣既野都冇咁多冇咁豐富，唔係幾揀得落手...好快行完之後就落返地下，去到博多站之下既地下街

地下街有好多餐廳，經過都令人流口水，可惜今晚已經揀好地方食拉麵，同呢道有緣無份...

行到去巴士站睇下邊部車岩



博多站附近都係大型商場百貨公司



火車站對出就會見到100円巴士，坐佢就可以去到今晚目的地「天神」

天神與博多之間有100円巴士行走，兩條線以順時針和逆時針方式循環行走兩地，坐佢就可以去到福岡市內好多地方

雖然點坐都係收100円，上車時順手拎張整理卷好啲

夜晚乘客唔多；真係好佩服日本巴士司機，除左駕駛技術要了得之外，口材都要好好先得，事關佢地要戴住mic，無論開車﹑停車﹑行車﹑或者有人落車佢地都要不停不停講野，水口少啲都唔掂

唔洗十五分鐘車程就去到天神^^而家只係八點半，街上行人已經唔多，就算係好出名既天神地下街唔少商店已經關門，想行都冇得行



好冷清

天神可以話係福岡最繁華地段，四圍都有大型百貨公司同商場，要shopping黎呢道一定冇錯



商場之間有間神社


Apple store九點都關門啦

離開商場地段行入橫街窄巷，發現好多特色餐廳，我既目的地都差唔多到，要努力搵搵



一路望住google map行，見到明明已經去到目的地而且行過左但就係見唔到，心諗google map唔會呃我掛？唯有行返轉頭再搵搵（其實係右上角已經見到個牌啦，只係自己留意唔到）

返轉頭睇清楚終於見到你啦，我既目的地就係呢間一風堂總本店；一風堂細細間而且凹左人去，一個唔小心就miss左，好彩最後都見到你

入面有吧枱位有普通位，一個人坐吧枱就岩晒，仲要自閉係最入面個個位


坐低後職員拎左個籃出黎比我放背囊，然後就放係身後，我諗只有係日本先可以咁大膽唔睇住自己財物而又覺得安心，係其他地方我一定攬到實一實

揀野食時間到啦
餐牌中英韓文對照，唔怕唔識睇（唔識字既話睇圖都得^^）

見到有「元祖」兩個字，就食你啦！

偷睇靚仔為我煮麵

枱上有好多調味料，但我最有興趣係壺水，成日都冇咩飲過水有少少口渴，要係道飲多啲先，而且係我最like既冰水

見到寫住替玉小玉，我仲以為係雞蛋，今次大鄉里左啦，直到幾日後先知道原來替玉意思係加麵，當食完拉麵後覺得唔夠就可以要一個替玉，重新加一個麵入去本身湯底（唔好咁快飲晒啲湯），咁就可以當係食多個麵啦；呢道啲拉麵咁好食，如果知道可以咁加麵我一定加，只係100円咋，可惜當時咩都唔識...

一風堂拉麵名不虛傳，味道超正！味道好難形容，總之賣相靚，拉麵正，湯底仲好香，連塊肉都入口即溶，呢碗係我食左五碗拉麵之中最好食既一碗！

睇個碗就知有幾好食啦


食飽後好滿足咁離開，點解拉麵可以咁好食


夜晚呢邊既天神街頭五光十色



有香港之前排長龍既一蘭



有好多唱K同唔知係咩既娛樂地方



仲有KFC麥當當



估唔到呢道咁夜都仲有咁多人

我要去搵巴士站坐車走啦，多采多姿既夜生活唔岩我


見到有車去博多站就上車，冇理佢係唔係100円巴士lu

上車記住拎，我係第八個站上車



今之坐既係急行巴士，幾個站好快就返到博多站；見個收費牌知道呢部車唔係100円循環線，不過收費都係100円，我估呢道成個區既車都係收100円咁平，咁有幾抵坐bor

博多站呢邊商場一早就關晒門，街鋪又唔多所以好靜，唔會好似天神咁成街人



Hostel旁邊有間快餐，開頭以為佢係賣炸雞，睇真啲先知係賣便當


唔知呢間賣咩呢？

十一點返到hostel；係香港黎講十一點唔算好夜，但係日本好多地方十一點已經好靜好靜

成日不斷睇地圖，又不停send相比妹妹睇，仲經常上網，最後都係用左大約100MB數據，仲有千七MB冇可能用得晒啦

係床上搵下資料，整喱整lu之下搞到一點幾先訓，希望聽日知醒啦^^