三口子去唱K

16 FEBRUARY 2015(MON)

小小豬開始放新年假期, 一向愛豬如命嘅大肥豬都趁依個機會, 請多幾日假, 帶我同小小豬去玩.

放假第一個節目就係三口子去唱K, 今次仲係小小豬第一次去唱K呀~
 

仲以為今日唔係紅色假期人流會少啲, 不過我地諗漏左今日都係學生開始放假, 所以都有好多學生哥嚟唱K, 所以我地都要等大約15分鐘先有房呀!

雖然係要等, 不過小小豬俾接待處嗰部機吸引住(其實我都唔係好知依部機係玩咩呀), 按按下又睇睇下, 咁就過左15分鐘, 我地可以入去玩啦~

一聽到話到我地, 小小豬已經勁心急咁跟住接待姐姐去入房間啦~

估唔到我地只係得三個人, 都安排左一間好大嘅房哦~

一入到房第一時間小小豬就俾啲搖控..選歌電腦吸引住, 兩父子努力研究~

我就當然係揀嘢食啦, 因為我地係唱K LUNCH, 每份LUNCH都係差$60, 咁就可以有得食又可以唱兩個鐘, 都算OK啦~

處理好晒所有事, 就可以開始唱歌啦! 始終今次都係小小豬第一次唱歌, 所以初頭都係有少少唔習慣, 覺得聽到佢自已把聲好似怪怪咁~

首先就陪佢唱幾首先~

過左一陣之後, 聽到自己識唱嘅歌, 就開始投入啦~

原來依家唱K都真係好包羅萬有, 所以小小豬都唱左好多兒歌呀~

哈哈哈...個傻豬仔仲越唱越興奮, 簡直係七情上面呀~

頭半部分就係小小豬SOLO時間, 一見到食物嚟到, 為食豬當然就即放低支咪去食嘢啦, 依個時候就到我唱歌啦!

哈哈哈...嚟唱K, 有咩理由唔唱依首歌呢~

坦白講, 我都有成四年多冇去過唱K, 加上依家啲流行曲都真係唔多識唱, 成個熱唱榜啲歌除左SAMMI嗰幾首之外, 真係冇乜邊首識唱, 所以都係真係唱懷舊歌啦!

快樂時光過得特別快, 唱到興起之時就夠鐘要走, 唔止我好唔捨得走, 小小豬都一樣, 仲問我幾時再嚟唱歌添呀!

MY FACEBOOK~


MY WEIBO~

 

MY E-MAIL~

 

 

其他博客區

※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※