進入行程第 3日,
我地今日會離開東京都喇
晨早起身就去租車開始我地自駕遊o既部份
自從試過日本自駕遊之後, 耐唔耐都心思思想再試,
至此已經試過九州, 沖繩, 關東自駕,
今次再o係東京租車去甲信地區 (即山梨縣+長野縣)
我近呢幾次都係租 NISSAN, 其實我都懶懶地格價,
見D 借還車地點都 FIT 到行程就算, 用開就用返,
好似今次租車4日就用左49XXX yen
應該唔係最平, 不過我地又Book左Snow Tyres, Car Seat,
估計係咁上下...
自駕o既一大好處係有得瞓...
而且買o野可以就咁掉上車唔駛拎,
就算搬酒店都唔怕, 可以最尾一日先執行李
講起o黎呢度唔可以唔提買 admission ticket o既問題
呢個 Museum 係不設現場售票, 千祁唔好walk in!!
入場係用預約制, 根據以下時間
入館時間は1日4回。（入れ替え制ではありません。）
（1）入館指定時間 10：00 / 入館締切時間 10：30
（2）入館指定時間 12：00 / 入館締切時間 12：30
（3）入館指定時間 14：00 / 入館締切時間 14：30
（4）入館指定時間 16：00 / 入館締切時間 16：30
最方便o既買飛方法係去 LAWSON 便利店搵 LOPPI 機買
買 2日後o既飛都 ok, 所以要睇定日子買
我地一到東京果晚就買喇
其實o係 HK
網上買都得, 如果你有日本電話 + Lawson member 的話...
我試過登記但見佢o的 member info又多又要電話驗證...算啦, 去日本先買
去到都唔好自己搞, 冇果張 member card 都係唔 ok 比唔到錢的
搵便利店職員幫手買o係櫃台比錢就OK
成功!
買左12點場, 未夠鐘唔放人要o係門口等
我同小齊去買o野飲, 佢第一次自己用"自動販賣機"
似乎幾滿意自己o既選擇
順帶一提, 如果唔係揸車o黎係有市巴士o係門口落o既
車身都有藤子不二雄作品o既圖案
小齊係叮噹fan o黎咖,
o係香港初二果日我地已經睇左套新戲同埋去左主題 cafe
今次o黎呢個museum我估佢都會幾喜歡
好喇, 12點! 好準時放人入場
博物館展出左好多藤子先生o既手稿作品, 唔單止係叮噹, 仲有神奇小子呀, Q太郎...
不過展覽室唔比影相, 有興趣o既朋友要親身o黎睇喇~
出左展覽室o黎到漫畫室
任睇唔嬲~
仲有一個小小 o既廣場
我地o係度影左貼紙相
仲有扭蛋 (有人想要不過冇買)
outdoor area 有多啦A夢影相位
隨意門一定要影啦~
小齊又用期盼o既眼神話想買豆沙飽... o k 啦~ 買左3個
仲睇左個短movie
睇完 movie 上一層食主題 cafe!
小齊超級開心!!
因為佢已經睇左唔少叮噹卡通
(無錯係叮噹唔係多啦A夢, 我地開 youtube佢睇o的舊片都仲叫緊叮噹咖)
記憶麵包係佢好想得到o既法寶o黎咖!!
而家叫佢影相一定冇say no
傳說中o既法寶...hehe...
小齊真心相信食左 d 數學就會識晒...hahaha...小朋友好天真!
我自己叫左個芝士焗飯
小齊淺嚐兩口~
我地仲食左甜品, 非常飽足o既感覺!
最後行埋souvenir shop買左dd o野就離開喇
整體o黎講呢個 museum 好值得一o黎!
之後我地就繼續自駕到山梨縣o既河口湖
沿路車唔多爸爸揸到130, 140 km, 我有d 驚驚~
個幾鐘車程就o黎到我地今晚下榻o既旅館
本身訂呢度係因為客室有半露天風呂同露台望到富士山
(按摩椅係o黎到之後先發現o既亮點, 真係舒服到爆!)
(網上我見到係咁)
但今日天氣多雲有霧睇得唔清楚, 只隱約望到富士山
半露天風呂倒是沒有失望
仲有張咁o既相o係度真係有d 刺激到...
客室夠大亦好整潔
小齊次次都話最欣賞有廚房 feel o既酒店
Yukata 可惜冇小齊 size
比起早兩日o既 package 酒店"迫迫hotel" feel, 今日呢間小齊話正好多!
而我未見過咁闊佬o既茶水包供應, 住一晚都有每樣 5包 (茶都有3款)!!!
加埋我地自己o係途中買o既水果小食
仲有叮噹豆沙飽, 今晚一定食好飽!
一洗舟車勞頓食飯前浸浸風呂先~
然後就係晚餐時間, 一泊二食之中o既食一向係爸爸最期待o既部份
我地對食物感到非常滿意,
小齊如果覺得好食佢會自己食唔駛我地操心, 今次佢都應該覺得好味
食完仲有小禮物揀
開心得你~
甜品都見到富士山哦!
飽餐之後 hea 左一陣我同小齊去浸旅館o既露天風呂
泡湯不能影相o係門口影張啦~
後尾發現我同小齊包場, 得我地兩個人浸
環境係咁樣(網上圖片), 不過我地夜晚浸乜都睇唔到~
可能因為旅館屬中小型, 客室唔太多吧, 晚飯時都只有另外兩枱人而已~
浸完溫泉我地瞓得非常好, 卒之有渡假o既 relax 感覺了
第三天行程完~ 下一篇會變成冰天雪地o既另一個世界呢!
是日靚衫: Rayban, Fendi Kids, Jill Stuart, Roberto Cavalli Kids
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
