我和SY最愛食小籠包, 灌湯餃, 正正因為網上發現這超巨大~大籠包, 二話不說, 即晚約老友齊齊去銅鑼灣「南翔饅頭店」食大包.

這店擁有104年歷史, 不過座落於銅鑼灣廣場總覺得格格不入, 而且門面似不是主力招呼我們香港人的格局, 不過, 無所謂, 東西好食就是王道.

早知不用預先訂枱, 我還以為是門外會大排長龍, 因為好好醜醜, 這也是米芝蓮推介.(不過我忘記了今時今日, 韓風才會捲來人浪, 這裡坐足九成客己算不錯啦.)

今日我們重點必食孖寶: 超大大籠包, 及「拎包酥」, 所以一眾四季豆, 上海粗炒, 四川擔擔麵,, 及咸肉菜豆炒飯就輪為配角.

好不好食呢? 我只可以說合格, 因為隨便說一間上海店的水準也不相佰仲, (好德來, 小小拉麵小籠包...可能仲好食好多) 

炒飯的咸肉應該很合適小BB食, 因為不用剪也很細粒, 不過同枱的兩位「當日的BB」, 今日已長大成人了, 所以對我們毫無用處.

其實, 我很少會「彈」食物的, 所以經常被網友評為「鱔稿」, 所以, 我唯有慣徹我的性格讚讚吧!!... 四大配角中, 乾煸四季豆算是最易入口, 豬肉粒配微微辣味炒成, 可以有夾多三條的衝動.

招牌小籠包, 皮不厚亦不算薄, 蕩鞦韆測試合格, 湯水沒有溢出, 肉餡份量剛好, 不過我吃的湯汁不較多, 而且肉有少少渣, 不難食, 不差…

(就算多平凡, 總有互愛的情人麻, 怎麼偏我仍...鍾情我家附近, 「正宗上海生煎皇」小籠包…所以對不起, 還是食開有感情).

終於我期待已久的超巨大~大籠包登登登凳!! 差不多較一個傳統月餅大的體積, 6個一齊很有氣勢!!. 相機乖乖, 你食先.

一人一隻,一定要來一張大合照吧!! CHEERS!! (作狀咋!! 未食得住, 因為裡頭真係出晒煙, 熱辣辣架…)

好攪笑!! 正如一杯熱咖啡, 但給你飲管, 不過又會有一紅色提示指「小心燙口」.

我第一時間想起...我小朋友時插了一支飲管渴湯, 家母即時大罵:「邊有人咁飲湯架, 辣死你呀!!」(細過阿媽話唔好食剩飯, 如果唔係第時一定娶豆皮婆, 我好驚, 次次都食晒, 不過我估阿太以前一定係食剩好多, 我識咗佢之後, 暗瘡生到E家幾十歲仲生緊...) 

「蟹黃灌湯包」的湯水夠充足, 味道正正就如同茶樓的灌湯餃一樣, 當飲了七七八八後, 就要嘗試打開吃餡料吧!!....誰知, 包內空空如也?? 真係只有湯及少量蟹黃, 絶對童叟無欺喎你...

我問問女店員是否正常 ? 她正經的回答:「係呀! 灌湯包麻...點會有餡呢? 」 (唔係喎們!灌湯餃都有肉啦, 而且點解個皮咁鬼厚?) 女店員繼:「個皮唔食架, 一般都只係飲咗個湯就算架啦」

外皮真的比我塊臉皮更厚, 絶對是不易食用.（造薄啲唔得咩？外皮同小籠包皮都係一樣咁搓啫！！）~(方包嘅頭尾仲易入口過佢, 塊皮真係同我一樣, 好老又唔好食!)

手袋拎包酥：我終於等到整晚最認真的甜品「拎包酥」出場, 其實, 這三棵棗配蛋黃的甜品, 絶對是今晚唯一衷心愛吃的食物啦!!

其實賣相都夠吸引, 真的如同一個小手袋喎, 創作的人可能剛剛去米蘭站放售完手袋有感而發吧!!