探險家攻略 > 城中探秘 / 美食之旅 / 旅遊 > 特色景點 / 其他 / 餐廳 / 長線旅遊 > 熊本。由布院之森﹑熊本電車﹑上通/下通商店街

熊本。由布院之森﹑熊本電車﹑上通/下通商店街

由平凡人於 2015-03-09 13:35:00 發表 | 累積瀏覽 1218

分類：長線旅遊餐廳特色景點其他；地區：九州

< 福岡﹑熊本﹑小倉﹑長崎5天遊 >

第三天

開心時間過得特別快，話咁快就到左旅程一半（好似冇點玩過咁既？），如果可以係日本留長啲時間就好啦！今日繼續九州特色列車之旅！

一早起身打開窗往外望，天氣非常好，太陽伯伯繼續溫暖大家^^出發前兩日九州曾經被颱風吹襲，當時我仲因此而猶豫應唔應該買機票，好好彩來到九州每日都有好天氣呢

今日火車冇咁早開，遲少少8:40先出門口；時間尚早hostel職員未開工，只要放低鎖匙就可以自己離開，要同住左兩晚既hostel講再見啦

天氣好好陽光普照


係日本總有一間便利店係左近

除左火車站大堂，火車站旁邊都有精美便當出售，價錢比大堂更加平

今程車先唔坐新幹線，去到普通JR線入口入閘



見到我坐個部車係5號月台



車未到四圍影下相先

話咁快我將會坐既火車埋站啦，今次目標係「由布院之森」

火車開門後大家都上車啦，見開車時間未到我都係影多幾張相再慢慢上都唔遲



坐由布院之森可以去到風景超靚而且係溫泉聖地既湯布院同別府，可惜今次唔夠時間去，留待下次再到九州先去都未遲（不過媽媽去完湯布院話金鱗湖冇清遠XX湖咁靚囉，比佢激死...）

可以請職員幫手影相，又要麻煩佢地啦

上車啦！車身好高，坐得高就可以睇到更靚風景！

廁所都係又大又靚



時間太早，小賣部仲未營業，食唔到湯布院好出名既B-Speak蛋糕


落地玻璃，睇風景一流

列車只有四卡車箱，行去車頭望望先

車長揸火車好型


座位都係好靚



我既位置係第四卡，好快就返到來車尾



坐位又大又舒適
呢班車坐唔滿，不過星期六日假期呢班車係超受歡迎，唔早啲預訂隨時會冇位，全車都係指定席冇位就唔可以上車！

沿路都係田園風光



望住窗外小屋，好有一種叮噹感覺，叮噹大雄都係住係呢種兩層高小屋架



34分鐘車程到達久留米站，我既「由布院之森」旅程亦都係呢道結束


新幹線在來線都係共用同一個久留米站，轉車非常方便



唔洗出大堂就可以係車站內轉車；見有時間我都係先出去望望



車站都算大，但就好少人，大堂只係得一間商店咋

久留米代表竟然係河童！

時間差唔多又要入閘準備上車


只有兩個新幹線月台既小站



車到啦，今次係N700

上車時旁邊已經有位伯伯坐左係道，全程都好專心研究馬經，記得熊本係有馬場，唔通伯伯專程去熊本睇馬？

窗外長期被高牆遮擋，視野唔太好



話咁快就去到熊本



今日要去西出口個邊出站



第二次來到熊本終於見到熊本站真面目


熊本市內冇地鐵，但就有電車，一出火車站就可以見到


熊本電車搭車好方使，雖然只有兩條路線，不過坐住佢就可以去到好多遊客想到既地方

車內設備睇落歷史悠久，好有味道；熊本電車1924年已經開始營運，最多時曾經有7條線，而家只係得返兩條線繼續行走

車都未開就迫左好多人上來


霸到個靚位睇風景



每次車費¥150，唔夠散紙都唔拍，車頭車尾有唱錢機比大家唱散紙；如果一日內預計多次乘搭電車就可以買電車一日卷，今日我只搭兩程就冇需要買啦

行到車頭準備落車

去到「通町筋站」落車；呢道應該係熊本市中心，四圍都人多車多



呢道就係最熱鬧既上通﹑下通商店街，先去上通商店街行行


有班學生係道籌款，可惜冇人理佢地好可憐丫


唔知舉行緊咩活動，有好多攤位



兩旁都係賣野食，今日早餐都未食睇到我流晒口水，但我而家想搵拉麵食多啲所以暫時唔係呢道開餐啦



好似有得抽獎bor

上通商店街大部份都係商店，食野冇咩選擇，搵唔心水餐廳


穿過馬路就可以去到另一邊下通商店街

下通商店街比起上通更長更多野買，睇下呢道搵唔搵到野食先


嗶...茶都有得飲！係香港我都少飲茶，唔會黎到熊本走去飲茶掛...？

有好多人圍觀，上前八卦下有咩睇先


原來有隊組合係道表演；圍觀既所有fans都係男士，大家仲揮晒手好投入tim，睇落去好「毒」丫！

突然間佢地走晒出來同fans握手，我走避不及比佢地捉住握手！好驚架！！不過竟然可以掂到女仔手，身為毒男應該要開心下先得，哈哈^^

即時whatsapp朋友幫手搵下呢隊組合係咩來頭，但佢地既資料唔多...

繼續係下通行行，呢道賣野既鋪頭就多，但就見唔到有拉麵食...

銀行個名好正！熊本古時係叫「肥後」

大街搵唔到野食就行入小巷睇睇

見到有間吉野家！吉野家係香港就食得多，橫掂都未係日本食過咁今餐就試吉野家啦；其實頭先係上通已經見到有間吉野家分店，行左咁耐最後都係食返吉野家...

呢間吉野家同香港吉野家設計好唔同，呢道係吧枱設計，坐低後職員就好方便為你叫野食同送餐（見好多日本吉野家都係咁設計）；另外，係吉野家食野大多都係男士，呢個時間全間鋪就只有一位女士咋



配料就係旁邊，不過就冇我最鐘意既辣椒片（旁邊個位伯伯落左超多薑入碗飯，成座山咁高）

我叫左呢個香港冇既燒牛肉飯，不過我覺得普通既牛肉好食啲


食飽又再出返商店街，呢個時候竟然比我見到有一蘭拉麵！早啲比我見到我就食佢啦！

穿過商店街，好快就去到下一個目的地

終於到左今日最重要既地方啦！今日再次黎到熊本就係想到熊本最出名既「熊本城」，作為日本三名城之一當然唔可以錯過！