踏入第三天，一早起身個阿寒湖同傳說中一樣，大霧到冇朋友。但感覺好優雅~!!
早餐方面，都係個句，唔錯，但一定唔係心目中既級數。
食完就四圍行下啦~~!
之後就出發去層雲峽大雪山，途中會經過一個地方叫硫黃山。呢個火山好得意架，你可以行埋去好近好近咁樣感受下。叫就叫做硫黃山，但又冇咩硫黃味既。
行下行下，見到路面有雪，之後就成條路都係雪。
個湖仲結埋冰添。
終於黎到層雲峽，黑岳纜車口，一落車，嘩~~駛唔駛咁大風??? 開始有D擔心...! 上到去，唉..真係估中...因大風關係，所以停駛。仲要係岩岩10分鐘前停既...想死....!!
咁唯有去食野先啦，頂~~!唔知係唔係因為纜車停駛既關係，附近既商店差唔多都冇開，得一間面店有開...痴線架~~!!
食完就去附近睇下個2個好出名既瀑布，流星之滝同埋銀河之滝。但...結冰了.....
行5分鐘車程有個叫大函既地方，其實我覺得有些恐怖，成日覺得入面係有怪物住既。
睇完呢幾樣就冇野做架啦，返酒店，浸下溫泉。BOOK呢間酒店時睇相以為好大，點知..細到嘔。
晚餐就係自助餐，唔好有咩期望就OK了。
============================================
感謝 龍人遊記 提供以上資料
龍人遊記的網誌: http://dragonman-t.blogspot.hk/
============================================
