今天是第四天，整晚都訓得唔好。點解?因為上唔到雪山真係好唔開心。咁今日食完早餐之後再上去睇下有冇開番啦。
去到，都仲係冇開，唉~~!!
之後就出發去札幌，但途中會經過旭川，當然要去睇下呢個日本最北面既動物園啦。
個動物園就真係冇咩特別，不過勝在少人，你試下去海洋公園，我諗你去完一次以後都唔想再去。
話說旭川拉面係好出名既，咁我地就搵左間地道既拉面，呢間拉面以前做蛋糕好出名喎。咸豐年代既野，鬼知咩~!
踏入番札幌，個感覺唔同哂，大城市~~真好~!
下年4點幾，個天已經黑哂，下次都係唔好在冬天去北海道!!!
四圍行下，一定要去行下狸小路。
我地今次住呢間酒店就係狸小路附近，方便我老婆出動囉。
期待以久既和牛晚宴終於到啦~! 聽講呢間江戶八好好味，帶廣和牛好出色。
叫左2份帶廣和牛，嘩~~!乜得個幾片~~!!但真係好好食~~! 真係攪笑，食完完全冇飽既感覺。所以.......我地再叫多2 SET....哈哈~!
今餐好滿足呢!! 食完再行下街，之後就返酒店睇下夜景。
============================================
感謝 龍人遊記 提供以上資料
龍人遊記的網誌: http://dragonman-t.blogspot.hk/
============================================
