第五天，又是最期待的一天。今天一早就出發去場外市場食海鮮。
人人都去北之美城，冇計喎，鬼叫人地係最大間咩。係咁睇睇睇，買買買，爽爽爽。
買好之後，就可以拎入去餐廳叫人整。食食食。
食飽飽，係時候出發去余市，去余市蒸餾所。就係場外市場附近，又發現西松屋，老婆又去掃。
去余市就一定會經過小樽，嘩~~大雪到呢....!一路去到余市都係超大雪。成個余市蒸餾所都係雪，好靚~! 呢到又大又靚又靜，人間仙境呀~!
睇完之後，就到試飲時間，如果你係冇渣車，當晚又住係附近，我諗呢到可以燒你一日時間。
之後就梗係買野時間，但好可惜，所有原酒沽清~~~唉~好失望。但黎到，冇可能咩都唔買，見到唔係平時個D余市就掃啦。
呢到有間餐廳，用威士忌做湯底，羊肉SHABUSHABU，原來好好味架喎。
去小樽，小樽運河係指定動作。
運河對面就係政壽司既分店。點解唔去正店?因為今天休息囉。
四圍行下行下，4點左右個又黑哂。
返札幌，原本諗住食蟹宴，但覺得呢幾日成日食海鮮，不如食牛啦。搵左間放題。吾...放題...其實都估到，質素.......
食飽又四圍行下，一天又完結。
============================================
感謝 龍人遊記 提供以上資料
龍人遊記的網誌: http://dragonman-t.blogspot.hk/
============================================
