第4天行程由自助早餐開始,
旅館要10點 check out, 我 7點幾就起身,
獨自享用房間o既風呂 (嘆~),
小齊當然瞓到最後一刻, 我搞掂晒d o野先叫佢,
食早餐時好醒晨
今次住呢間旅館好滿意, 唯一美中不足係天氣唔好,
第二日起身仲大霧, 又有d 雨
說好的富士山呢?!
離開前影多幾張相先, 有機會想再o黎... 希望睇到富士山~
離開旅館大約 5分鐘車程就到今日第一個景點 ---
聽個名都唔知係咩?!
呢度其實係 Wachifield o既 Museum
Wachifield fans o係香港都應該唔少的,
雖然我未住過, 不過睇D 設計圖都覺得幾靚的
(photo source from Dayan Petit Resort)
講返呢個美術館, 主要係展出作者o既手稿 (要付費進場)
以我有限o既認知大部份都應該係用木顏色畫
d 畫真係好靚咖, 小齊見到都話想學人地畫得咁靚
行完展覽室就到 souvenir shop
我地唔係痴心fans 只係買左罐餅送比人
逗留一陣, 最後影多幾張相就離開喇~
小齊話呢個係 stick man (又係噃)
今次係2月o黎應該係當造季節食士多啤梨,
揸車半小時o黎到甲府盤地笛吹市
上網我睇到呢頭有好多果園,
點知o黎到話佢地冇士多啤梨...(下?!)
好彩佢都指示我地去另一處地方摘 (真好人~)
地方唔太好搵仲冇位泊車, 主持人係一位有d 陰深o既婆婆...
我地2大1小盛惠 4800 yen (都成3百蚊港紙)
呢度o既士多啤梨品種係"章姬"
後尾check 返先知有日本士多啤梨有咁多品種,
好似越後姬, 章姬(あきひめ), 紅ほっぺ等等....
我地之前果日食o既就係紅ほっぺ (靜岡的代表品種，果實較大，具有較強的香味與適度的酸味。)
而章姬o既特點就係果實較大較長，高甜度低酸味，果肉較柔軟。
由於比較柔軟易爛所以出口較少, 今次等我地親身黎食你啦~
比左錢之後婆婆會預備鍊奶...
呢個係溫室果園, 出面落緊雨都唔怕
婆婆叫我地摘第5排呢度果d
同香港上次摘唔同, 呢度唔駛磅重,
係"放題" -- 30分鐘之內任食!!
小齊話"下?! 食得呀? 唔駛洗咩?" 婆婆話"大丈夫"喎~
唔理喇, 咁就食啦~
呢個女一向都好鍾意食士多啤梨, 今次開正佢果瓣
一路食一路摘, 佢點鍊奶食到成身係, 我怕左佢, 叫佢唔好點就咁食算啦~
今次真係好滿足, 雖然冇數過食左幾多
30分鐘其實十分足夠, 食到後尾已經食唔落, 影下相就走喇
但你估唔到我地離開左一陣又再買o野食...
又係激安の殿堂 (errr....本身係諗住o黎借廁所o既)
上次o係熊本食過番薯好回味, 今次o係呢度小齊話要encore!
之後離開山梨縣進入長野縣
揸車去今晚住o既地方, 都成個幾兩個鐘車
今日一路都有雨, 到到長野縣直情變成風雪...
之前一年o係九州又係有落雪, 我地冇book到雪軑跣軑到好危險
今次醒目一早book左, 路面結霜都行到, 冇跣軑喇
不過都係唔好揸太快
3點幾先到我地o既酒店
o係車唔多覺, 但一落車果下已經feel到果陣寒意
網上睇 d comment都話係比較有歷史同多旅行團o黎o既resort hotel
今次book左o既房(網上圖係靚o的)
現場見係咁~ 都唔差o既
我地房外望滑雪場
小齊對於有張被o係度覺得好有趣
趁仲有少少時間我地都換衫落雪場睇下, 為左今次玩雪特登買左滑雪套裝
搞到o黎o既時候個o急已經係爆9成o既狀態
雪場分兩邊, 4:30就會close, 我地今日冇乜時間, o黎細場呢邊先
風雪仲未停
估計係零下5度左右
好彩我地重裝備...d 暖貼好似脫虎海咁貼到成身係...哈哈
雖然咩器材都冇借, 小齊照玩雪
好似得我地幾個人咁...
想搵雪掟我~
門都沒有啦~
好彩套衫防水...隨便瞓
小齊話好驚d 雪入口
玩到4:30 人地收工為止....
沖好涼換返衫就o黎食晚餐
自助形式, 果然見到好多旅行團
小齊著呢度d 浴衣好搞笑...長得滯...
飯後我地又去試左呢度o既風呂, 同埋game centre
呢間 resort hotel 其實好多facilities, 保齡球, 泳池, massage...
不過我地時間唔夠, 試唔晒咁多o野,
其實好適合一家大細o黎
夾公仔又夾唔到
露天風呂我地冇拎泳衣落樓試唔到, 剩係試左室內o既部份,
浸完成身暖笠笠好舒服哦~
第4日行程完~
是日靚衫: 千鳥格頭箍 (淘寶), Fendi Kids, Little Marc Jacobs, Uniqlo, Junior Gaultier
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
