新春內地之旅 PART 1 - 觀音寺&玩砂炮

19 FEBRUARY 2015(THU)

輕鬆鬆玩返三日呀~

由於我地有大又有細，為方便計所以都係決定跟啲小型旅行團。跟旅行團都可以話有好有唔好，不過我就覺得返內地始終都係人生路不熟，搵得食嚟又要搵搭車，所以都係跟旅行團方便啲。

晨咁早出發，又坐左約三個鐘頭車之後，終於嚟到我地嘅旅程嘅第一個目的地 - 觀音寺~

可能係年初一關係，所以人流都算多，不過內地勝在地方大，所以都唔會好迫迫咁。唔知係唔係座左咁耐車，依隻好動豬係一解散之後，就一支箭咁跑跑跑啦~

跑跑跑...我地行到半山，第一座可以拜神嘅地方~

哈哈哈...我地都有帶小小豬去拜拜，不過只係去左文殊殿，希望小小豬拜完之後就學業進步、返學乖乖，最重要就係可以考到間好小學~

沿途仲有一個洗心池，帶小小豬去洗下先，等佢個心繼續純潔呀~

之後我地就繼續行，小小豬就搵到佢嘅靠山，就係佢舅父，因為舅父可以抱佢繼續行嘛~

終於行到成個寺院嘅最高地方，原來除左林村有計願樹之外，依度都有一棵呀~

哈哈哈...見我地離集合時間仲有一段時間，我地依個貪玩之家當然又拋下玩下啦！

小小豬話佢要揀返個靚波波先~

寫返個願望毛~

哈哈哈...難得一張三口子合照小小豬係影得幾好哦~

好認真咁拋哦，不過依個小小豬唔多夠力，拋左好多幾次都係唔得。最後就由我執手尾，我一拋即中，自己都覺得勁呀(哈哈哈...有人唔知醜)~

拋完之後時間又剛剛好，我地準備回程啦！依個小小豬今次就舒舒服服咁落山，因為舅父仔同佢騎膊馬呀~

話明係觀音寺，行遍都唔覺有，原來就係依個水上觀音。回程時聽導遊介紹，原來依個水上觀音係好有名氣呀~

行完山，之後我地就去食午餐。個午餐都係一般嘅食物，唔太特別亦都叫做可以接受。不過，我地午餐嘅焦點就落左依個飯後活動，就係玩砂炮啦！

原來依一間酒家個小買店有得賣，一個錫甥生嘅舅父買左兩盒俾隻豬仔玩呀~

今次都係小小豬第一次玩，估佢唔到完全唔驚，仲不知幾鐘意玩，拋得不知幾興奮~

每次玩完一粒就再問舅父拎，都算小小豬玩得斯文~

小小豬玩得不知幾落力，但就唔多夠力，所以有時拋落地唔多大聲。成日拋完冇聲就係度扮傻咁笑，之後執起再拋，睇小小豬拋嗰個攪笑樣，都令大家笑聲不斷呀！

《續待》 

MY FACEBOOK~


MY WEIBO~

 

MY E-MAIL~

 

 

其他博客區

※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※