新春內地之旅 PART 3 - 第一次玩煙火

19 FEBRUARY 2015(THU)

)終於到可以去酒店休息啦~

內地酒店嘅效率都可能係慢左啲啲，係大堂都等左差唔多半個鐘先可以安排上房。依個時候個小小豬都唔知幾心急，因為佢話要上房間跳跳跳呀！

其實真係好唔明白點解小小豬係咁鐘意住酒店，一同佢講依兩晚都係依度瞓時，佢個樣真係發自內心咁興奮，仲極度心急添！

緊係啦...平日係屋企我係嚴禁係床上跳跳跳，佢嚟到酒店仲唔有得大跳特跳，由左床跳去加床，之後再跳去小梳化，來來回回都不知幾多次，仲一啲都唔攰呀~

跳左一陣之後，我地就落酒店樓下玩新玩意，就係玩煙火啦！原來係午餐嘅餐廳除左有砂炮買之外，仲有啲小型煙火賣，所以舅父就買左啲留返晚上俾小小豬玩啦！

今次都係小小豬第一次玩，所以就先俾佢睇下舅父點玩先啦~

之後就由舅父捉住手仔玩幾支先~

哈哈哈...依啲親子時光又點少得我呢，不過全場尖叫得最勁嗰個一定係我，小小豬一啲都唔驚咁哦~

真係你驚佢時佢唔驚，估唔到小小豬係勁大膽，最後要自己玩添~

其實唔止小小豬，我都好似係第一次玩依種玩意，所以嗌就照嗌，又繼續玩啦~

哈哈哈...最後我地仲集體放煙火添，都真係幾靚呀~

短短二十分鐘時間就玩左兩扎煙火，真係有啲唔夠喉添。不過我地玩完又要快快手返酒店房間洗白白，因為明天就係我地成個行程重點所在，我地去海洋王國玩啦！

《續待》  

MY FACEBOOK~


MY WEIBO~

 

MY E-MAIL~

 

 

其他博客區

※※ SINA ※※

※※ MyBB星級Blogger ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※