第六天，也是最後一天。好懷念昨日既場外市場，咁只好再去一次啦。
食完順手買埋手信，返到香港又可以食多次。
返酒店CHECKOUT後，就出發去機場附近既三井OUTLET。好可惜，呢個OUTLET賣既野唔係好岩我地。咁決定早D走，去機場既SMILE ROAD行好過。
早2日老婆係電視見到廣告食親子丼，就係OUTLET附近D民居到，咁梗係去食啦。點知..今日係休息日~頂~!
6日...行左800幾公里。
2個人有咁多行李，其實我覺得好誇張。好驚超重，點知仲有10KG剩，老婆話早知買多隻蟹啦。咁我地下次係唔係要帶埋個磅去旅行呢?
新千歲空港個SMILE ROAD其實好多野睇好多野買，真係行幾個鐘係冇問題既。
最後博殺，又去食拉面。上次個間一幻，今日超多人，所以只好事旦搵一間。呢間勁呀，我同老婆分別叫左2款拉面，大家食時都冇出聲，咁即係咩?好好食囉......
原來.....大家心諗，點解碗拉面食極都食唔完既? 答案係因為好難食，所以大家都想快快趣食哂就算。但正因為好難食，食多口都想死，所以覺得食極就食唔完。
過左海關就係DUTY FREE。日~本~威~士~忌~~~~~沽清~~~~!!!!!
2014北海道自駕遊 - 道東大暴走-完。
============================================
感謝 龍人遊記 提供以上資料
龍人遊記的網誌: http://dragonman-t.blogspot.hk/
============================================
