26 - 27 OCT,2013
YEAH ! 又到入秋既時候, 又係浸溫泉時候喇 ! 上星期突然想去浸溫泉, 就好趕地約齊人, 咁岩大家都OK , 又一齊出發喇 ! 今次又係欠BIGGER妹, 因為要照顧黃BIBI呀 ! 辛苦哂 ! 我地又去玩喇 ~ YEAH !
話說真係好趕地出發前一星期先報名, 一報仲要九位, 點知報左名唔夠三日, 打黎話CANCEL, 好灰啦 ! 我地無論如何都要去到架喇 ! 唯有加錢轉團, 前前後後加左我地$120位, 個下都無諗咁多, 雖然酒店唔係好靚, 但去到最後大家玩得好開心, 都值得既 ! 哈哈 就帶大家睇下我地玩得幾開心啦 !
我地8:00AM係福田口岸集合, 差不多8:45PM上車, 一上車就坐左AROUND 3個鍾,第一站係食飯, 我想講呢個團係零景點, 導遊近乎零介紹 ! 實在太好 ! 小費都唔使俾 ! 哈哈哈 不過就食得幾好, 住就好普通, 因為真係好山區好農村下, 空氣絕對一流呀 ! 之後再介紹酒店, 基本上餐餐都九個餸, 大部份都好好味既 !
第一站既餐廳
當然要飲下袓國既飲品 ! 椰樹是我們的最愛 !
又不經不覺食飽飽坐左 2-3個鍾頭車, 就黎到我地既九連山熱龍溫泉渡假酒店, 一入去好O嘴, 係我住過最普通既一間酒店垮, 張床好似竹既感覺 ! 哈哈哈 ! EM~~~好彩住一晚姐 ! 哈哈哈 ! 其實住落都好乾淨既 ! 之前大家都JOIN得太多靚溫泉, 最慘係馬姐同CAREY第一次跟我地去, 就由最普通開始 ! 哈哈哈
好簡潔
事不宜遲, 換衫起行喇 ! 快快手沖沖身換件泳衣就出發喇 ! 呢度都幾山明水秀~
最慘係溫泉池并唔多呀 ! 不過勝在好堅, 而且好夠熱, 我地要浸D 39-41度既水先覺得爽 ! 而且山區好凍~ 夜晚真係堅凍, 口都出煙~
最喜歡一家人圍埋一齊浸~ 好開心好幸福架 !
黃家三姐弟出腳照 ! 哈哈哈 ! 實在太搞笑 !
浸左差不多有一個鍾, 要返去沖個涼, 六點食飯 !
點解內地D雞真係好味D~
木桶飯
呢個團好豪地送出每人一盞''花燈'', 當然流流地, 勝在開心下姐~
YEAH ! 好開心呀 ! 放完花燈, 轉頭我地玩勁野 !
我地三個又影下相先
YEAH ! 齊人一齊放~ 好靚好開心呀 !
我地既勁野就係玩煙花喇 ! 送左支細堂花俾我地, 老公好醒呀 ! 係出面買定煙花俾我地玩, 超開心呀 ! 玩到唔夠, 我地沖哂涼之後再出去買, 個陣真係凍到傻左, 最尾個轉燒左二佰幾蚊人仔煙花, 佢真係堅鍾意玩 ! 哈哈哈
已經係最好個張
返老還童的黃爸爸
呢張好靚呀 !
我又影張先
個老公去左點火箭煙花
有埋射燈~ 好有氣勢呀 !
大家都睇到嘩嘩聲~ 好開心呀 ! 之後再買黎玩個d無影喇 ! 但個d先係最靚既~~~哈哈哈 ! 玩完去浸多陣溫泉先~~~~~~~~~
去溫泉團指定動作就係食宵夜~ 大家玩完煙花, 沖哂涼之後勁開心, 又唔知點解好肚餓, 可能早食飯, 又再浸一浸溫泉, 又玩煙花咁興奮~ 仲有宵夜實在太幸福喇 ! 我地玩完返房, 黃爸爸已經係房準備好哂喇 !又有農家菜, 同埋乞丐雞, 仲有炒米粉, 大家開心share係最開心既 ! 食飽飽就玩啤牌~~三公~~ 突然周公急call~~ 哈哈哈
有早餐食~ 不過無野食既, 去行轉就算~ 我地知好快有飯食 ! 哈哈
呢度就係酒店外貌~
影下相先~
上車喇 !
上左車無幾耐竟然去左腐竹廠
我地落車影下相先
唔落車既兩位
真係新鮮曬既~ 第一次見 !
團友們開心搶購
原來係咁整腐竹既, 真係好濃既豆漿黎架 ! 而且時間要控制得好好, 如果唔係會唔好食 !
好新鮮喔
同D腐竹影下相先 ! 哈哈
試下細細佬同carey既新眼鏡~好靚呀 ! 我都想買 ! 哈哈
先生既眼光係？ 無錯 ! 我地係傻傻地既 !
阿姐好忙
購物狂
終於買完喇 ! BYEBYE
之後食飯喇 ! 真係好豐富 !
D豆腐好好味, 超滑滑~
呢間餐廳既食物真係非常一流 ! 真係又睇得又食得呀 ! 煮豆腐煮到咁先有氣勢架 !
就係呢間年輝漁村 ! 好正既正宗農家客家菜 ! 美味 !
真係食飽就上車訓喇 ! 養豬~~~ 哈哈哈 ! 好彩我地坐哂車尾, 又可以自己玩, 仲玩埋十三張, 好瘋狂 ! 哈哈哈哈 ! 不過出黎玩最緊要開心呀 ! 期待下一次既溫泉之旅 !
我今次係跟大航假期既, 我自己覺得價錢如果同''達美美食之旅''差唔多, 我會要達美, 真係服務好D既, 呢間就真係話知你, 不過食同住都唔錯既 ! 導遊就好普通啦 ! 有興奮想體驗農家溫泉生活就揀下呢度九連山啦 ! 不過我地係加左錢去住熱龍酒店架, 唔加錢個間好似仲簡單 ! 哈哈哈 ! 自己考慮喇 !
DH22065D河源九連山溫泉度假村 兩天純玩團
http://62844992.com/userfiles/file/2011/22065.pdf
