年初三, 既然冇拜年, 就來新春行大運~~ 這次想選一個有得泊車的地方, 決定去好耐冇去過的黃金泳灘~ 估唔到好多人都係咁諗, 成個停車場爆哂, 等了一陣先有位泊呀, 不過唔駛等好耐都算好了...
跟住就先由黃金泳灘向三聖邨的方向行, 就會經過幾個泳灘, 包括新咖啡灣、舊咖啡灣、加多利灣, 唯一冇行的就是青山灣~
天氣不算很好, 不過不太曬, 涼涼哋, 行吓戶外都舒服~~ 沙灘上的人不少, BBQ的人都好多, 因為呢幾個泳灘隔離都有BBQ場架~~
影吓今日個日期~~ 在沙灘有個咁樣的鐘, 少少怪不過都唔係太差嘅~~
最初雲比較多, 幾乎見不到太陽~~ 遠離黃金泳灘, 人就少了一點~~
石灘都有一些人在玩、釣魚等~~ 如果唔係自己對鞋入沙, 真係好想行落去~~
雖然暫時看不到陽光, 風景亦另有滋味~~ 可惜最初諗住天氣麻麻, 只帶了手提, 影出來都係差少少, 下次應該要帶相機~~
行了一會, 就穿過了新、舊咖啡灣~~ 相信夏天一定好多人來游水~~
有個封住了的岩洞~~
回頭影一下, 可以見到酒店呀~~
又有另一片石灘~~ 都係第一次沿海邊行過來~~
沿途都有這種石屎路, 適合一家大細一齊行~~ 這天著錯鞋, 下一次來應該著涼鞋或不怕入沙的鞋, 就可以真正地行沙灘了~~
穿過另一片石灘...
再行多一陣......
就是加多利灣~ 自己都係第一次來~~
這間屋看來有很久的歷史~~ 不知是什麼建築物?~
太陽竟然開始出來了, 挺美呀~~ 又後悔冇帶相機, 不過用手提拍都OK~~
不過它好快又會躲起來~~
不過很快它又出來了~~
沿路返轉頭, 又不時影夕陽~~
回到停車場入咪錶, 之後就行去中華白海豚像~~ 沿路可以見到黃金海岸酒店、商場和遊艇會~~ 這天有很多遊艇在碼頭~ 其實以前商場每逢周末及公眾假期有手作市集, 有很多不同的攤位, 例如首飾、畫作、手工藝、睇相等等, 不過依家取消了, 總覺得少了一點特色......
用另一個角度再影泳灘~~
開始進入傍晚, 太陽愈來愈遠了~~
行到小路的盡頭, 對岸就是龍珠島~~ 龍珠島很久以前有酒店, 不過一早拆咗, 建了樓盤~~ 入島就要行呢條小路~~
見到白海豚像啦~~ 上一次來已經係幾年前的事了~~
另一個角度又影吓~~
再影~~ 好似向我們游過來似的~~ 在這裡休息一會, 就行去商場那邊看看~~
行到去商場, 太陽一早落山, 入夜了~~ 不過冇咩好買, 都係食店最多人幫襯, 不過我們另有飯局, 是時候走啦~~
希望好快又可以去第二度輕鬆行~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
