日期：2015年3月15日
地點：元荃古道、深井
這日天氣有點濕熱，但還是無損我們的興致，一於行山去。這次選擇的路線是元荃古道，由元朗大棠出發，行往深井。
我們先在元朗集合，先在元朗士林台灣麵醫肚，這時大約12點，但已經要等位，元朗真係好多人！等了一會，終於有得食，但又無乜特別啫，點解咁多人？
接著我們坐小巴到大棠，大約1時半，正式展開旅程，講難度，全程無上斜，比東澳古道還要輕鬆，不過講景觀就一般啦，因為沿途都是在山中游走，直到尾段才見到青馬大橋。不過中段經過一個小沼澤，長滿綠色的水藻，望落又幾靚下。
大約5點，我們已抵達深井，先到發記吃甜品，由於同行有人住在深井，先到其會所洗澡休息，再到陳記吃燒鵝，燒鵝大大件，六個人食半隻已夠有凸，每人不過百五蚊，我們一坐吹水便吹了兩個幾鐘，好豐盛的一天！
在大棠發現風鈴木，好靚！不過已近水尾。
路程不算辛苦，上斜不多，屬初級難度。
中段經過這個水閘位。
見到這個水潭，大家出奇地興奮，不斷拍照，這就是小確幸吧！
中段經過竹林，涼風輕吹，好舒服呀！
快到深井了，青馬大橋就在眼前。
大大隻燒鵝，好好味呀！
============================================
感謝 豁出去漫遊 提供以上資料
豁出去漫遊的網誌: http://lamlam0930.blogspot.hk/
============================================
