今日病左,喉嚨勁痛,睇左醫生,開左八隻藥比我,仲要包括抗生素,食完藥個人散到爆..但散還散,今日有重要事要做..
就係我接左人生第一支蛋糕order..仲係一個各不相識既人..因為我有係FB幫襯佢買衫,佢就睇到我放上FB既蛋糕,就係咁..開始左我第一次收錢既蛋糕..
尋晚一早食完飯返屋企,先焗好三層海綿,因為個蛋糕有成三磅,我又無咁大既蛋糕模..唯有直接用焗盤焗,所以要分三次,但又怕第二第三次放太耐會消泡,就分開三次尼打蛋囉...
焗好三層海綿後,就cut個熊型出尼..跟住溶啲朱古力,整定眼同鼻..
到今日,病左,無返工,下午成個人散住咁打忌廉..唧花...雖然手震震,力度掌握得唔係好好,啲花又大又細,又唔係咁齊,但今次忌廉打得夠企,咁熱天都唔溶,出尼個樣都幾好呢...
最重要客人收左都好滿意...好順利咁完成左第一次既交易...希望慢慢會再進步多啲..加油!!
