星期日,緊係心思思想攪啲野啦...不過由上次係廣州返尼後,一直係咁反反覆覆病唔好,今朝同悠出去踩單車食早餐,返到尼成個人散晒咁..本來唔想郁架喇..但悠悠係咁叫我整啦整啦...唔係佢想食喎,係佢想一齊整咋...佢都好中意煮野食呢..
好啦...見冰格放左啲甜忌廉,都要用埋佢啦...將佢放落下層,就去整個海綿蛋糕先..
整好海綿蛋糕,跟住執下屋,仲有洗返兩機衫,太耐無見太陽伯伯啦..難得見到佢..梗係要洗衫啦..
跟住同悠出去,同悠悠姨媽,同老公一齊食個午飯..買埋餸就返去..真係成個人都好攰咁..同悠悠去瞓個晏覺先...
瞓醒5點幾...打起個忌廉,炆埋個蛋糕先..一邊炆,悠悠一邊係咁食啲士多啤梨...哎呀..得返5粒做裝飾,比佢激死...唯有唧多啲忌廉啦..個樣好似單調得好緊要...咁..灑小小彩針囉...OK啦,自己食啫..
