探險家攻略 > 城中探秘 / 旅遊 > 特色景點 / 古蹟 / 廟宇 / 長線旅遊 > 博多。博多燈會（燈火觀照）﹑櫛田神社﹑東長寺

博多。博多燈會（燈火觀照）﹑櫛田神社﹑東長寺

由平凡人於 2015-03-23 11:50:00 發表 | 累積瀏覽 563

分類：長線旅遊特色景點廟宇古蹟；地區：九州

< 福岡﹑熊本﹑小倉﹑長崎5天遊 >

第三天（續）

熊本旅程係呢道畫中句號，而家要快啲趕返博多，因為博多今晚會有一年一度活動「燈火觀照」；去到售票處換好最快個班新幹線車飛，然後即刻去到月台等車，下班車好快就到

第四次黎到熊本站月台，唔知下次黎會係幾時呢？

右邊月台有部800系

不過我係搭左邊呢部N700系先真

之前已經影過好多火車相，今程車就唔特別影啦


原來新幹線都有職員推車賣小食飲品

6:38返到博多；「燈火觀照」6:00-9:00舉行，我已經遲左到啦，要快啲起行先得

博多好多地方都有燈飾睇，我就揀左去近近地既「祇園」

一出博多站，即刻沿車站對出「はかた駅前通り」向祇園方向行，不過行得太急啦，唔為意博多站前面都有得睇燈飾，位置就係相中右手邊地方（返到來見到其他人影既相先知咋！）

咩都唔理向前衝

路過博多其中一個大商場「運河城」

唔洗15分鐘就去到川端通商店街，目的地「櫛田神社」就係旁邊

今晚時間唔多，只可以集中係祇園「櫛田神社」同「東長寺」參觀，其他地方太遠去唔切啦；除左指定地方，地圖上紅線地方都放滿燈，好特別架

「有「博多總鎮守」之稱的櫛田神社，據傳建於天平寶字元年(公元757年)，非常受博多市民愛戴，更受各國遊客歡迎。」

好多人入去櫛田神社

入面唔迫，行得好舒服

原來「燈火觀照」係將好多蠟蠋點成燈，全條路都點滿燈好靚架

好多人排隊等候參拜；我唔太清楚呢道參拜規則，所以唔排隊啦，只係隨意參觀睇睇風景



啲燈好靚；最衰冇拎腳架來，只係就咁用手拎住相機影，影唔到靚夜景


櫛田神社好出名既「山笠」（Sorry爆晒光睇得唔清楚）；每年七月博多會擧行「博多祇園山笠祭」，追山笠等等活動睇落非常精彩，如果咁岩7月15號去到博多一定唔可以錯過



行多兩行見肚餓就出返去商店街睇下有冇野食，但次次當想食野個時都係搵唔到餐廳，結果行左去好遠，浪費晒我啲時間！

行到河邊見到有麵食，唔諗咁多就你啦


餐牌見到有「人氣No.1」字樣，雖然唔知係咩不過都係叫左先算

又可以偷睇到入面煮麵；呢道有一個職員竟然識講中文，唔知佢係咩人呢


今次碗拉麵上面好多菜，要盡快食完再出去參觀


河邊都幾靚丫

食完拉麵又返到黎啦



大家誠心參拜中



呢道有好多人飲水



已經去到20周年啦，不過我係早幾日先知有呢個活動

三百円買咩呢？

呢道有好多燈



行高啲睇原來啲燈係砌成好靚既圖案，佢就係福岡吉祥物！

時間所限，要離開啦


路兩旁都有燈



呢啲燈造形比較特別



有專人保護啲燈，蠟蠋一熄會即刻點返


過馬路之後，「東長寺」就係面前



「由空海(弘法大師)於唐朝修業完畢後建立，是爲祈禱密教向東廣泛傳播而建的寺院。寺院裡有日本第一的木造釋迦牟尼佛像。」

東長寺都係一個燈飾集中既地方，入去睇下先

中間砌左字bor，寫住「博多人形」，唔知係咩意思呢？

除左中間空地，寺內好多地方都放滿燈飾



有好多和服美女係攤位，唔知有咩活動呢？除左睇燈飾之外，其實我對博多燈會呢個活動一無所知...

睇到呢道又夠鐘離開，太遲返到博多唔夠時間遊覽實在太可惜啦

呢條路都係放滿燈飾；呢道既燈同之前個啲唔同，係用紙卷成筒形，就好似雪糕筒一樣



有野賣又有野食，吸引到唔少人留步



突然成個天都係泡泡，又靚又特別，好多人圍觀丫！原來呢道都係一個睇燈飾地方，有好多特別既燈睇架！

蠟燭摩天輪

蠟燭河

仲有好多唔同顏色



行到呢道時間已經係8:35，我搭既火車仲有半個鐘就開，所以唔可以再向前行啦，要預時間返去火車站！博多燈會呢個活動好大，差唔多成個博多區都可以發現燈飾，今次我只係行左好少地方咋，有少少可惜呢...

大家都向前行去下一個燈飾集中既地方，而我就要調頭行，唔制丫

回程路上都仲遇到少少燈飾，既然咁有緣當然唔可以放過



出到大路就要趕路去火車站啦，為左唔好遲到差唔多用跑既速度衝去

用左八分鐘就行到，比預計行得快tim

估唔到連火車站呢道都有燈睇


係二樓見到有入閘口就直按入閘衝去月台，咁岩我坐個班車就係最近既2號月台所以好快就去到，而且仲早左十分鐘到呢，可以鬆一口氣抖下啦

又會咁岩我黎博多呢個時間遇上咁特別既博多燈會，我都係出發前先知有呢個咁正個活動咋！為左呢個活動我放棄左去湯布院同別府（去左就返唔切來啦），我覺得係值得既，始終燈會係一年一次，難得遇上就唔好浪費ma，而且又咁靚呢，湯布院同別府就留返下次去啦，哈哈^^

鐘意SeeWide的分享，給我們一個Like吧！

檢舉

攻略日期：N/A

攻略地點：九州
攻略時間：1日以上

是次消費：N/A

共0人比"掂"

林公子於2015-03-23 14:11:50 留言
好趕!!
舉報回覆
No.1

平凡人於2015-03-23 20:44:58 留言
原文由林公子於 2015-03-23 14:11:50 發表
好趕!!

得個零鐘時間，行得幾多得幾多啦
舉報回覆
No.2

特搜總編E 於2015-03-24 09:06:44 留言
恭喜！經過「SeeWide評審團」一致通過，你的發佈已被選為推薦攻略！你不但可以獲得200經驗值，更能累積200探險里數作為開展下次探險之旅的旅費！
舉報回覆
No.3

Melo 於2015-03-24 14:02:23 留言
引用自 '平凡人' 的相片：
回覆：好靚好romantic!
舉報回覆
No.4

Melo 於2015-03-24 14:04:12 留言
去旅行遇上節期/活動真係特別開心!
舉報回覆
No.5

1874飛飛於2015-03-24 16:32:22 留言
引用自 '平凡人' 的相片：
回覆：嘩! 好靚既圖案!
舉報回覆
No.6

1874飛飛於2015-03-24 16:33:34 留言
引用自 '平凡人' 的相片：
回覆：d 燈好有氣氛, 趕都真係值得! 見好多燈係紫色添
舉報回覆
No.7

平凡人於2015-03-24 21:24:58 留言
原文由特搜總編E 於 2015-03-24 09:06:44 發表
恭喜！經過「SeeWide評審團」一致通過，你的發佈已被選為推薦攻略！你不但可以獲得200經驗值，更能累積200探險里數作為開展下次探險之旅的旅費！

Thanks
舉報回覆
No.8