新玩具~~P仔麵包機

我終於的起心肝早三天前去買過部麵包機，

之前睇過選擇月刊，P仔與象仔評分最高，

而且有朋友用緊P仔覺滿意，咁就決定買P仔。

P仔最新型號是〝106〞可以造酵母，

我不造酵母，選擇〝105〞。

〝105〞P仔標價$2398，原來有特價是$2150，

送埋兩包麵粉鬼咁開心啦！

怎料晚上；上團購網竟見團購價$1598！

失諸交臂賣貴500多元！！！

今午電器行送貨來，晚飯後立刻剪綵啟動！

就焗贈品~白麵包

材料簡單麵包粉、酵母、水160ml、牛油15g

先將麵包粉、水160ml、牛油15g放入麵包鍋，

再將酵母放入酵母容器，杏仁放入堅果容器，

食譜設定：按〝烤色〞鍵，我選〝淡〞

再按〝預約〞鍵，我選〝9:30〞

明早7:00有出爐麵包做早餐。

按〝葡萄乾〞鍵，就會顯示〝有〞

按開始，麵包機立刻開工〝揉麵〞

我收工了，早餐的麵包交給P仔啦！

一覺醒來，P仔已完成任職！