☆揀BB車攻略☆ [附:揀BB車小貼士和人氣品牌Combi F2 Plus資訊]

嬰兒手推車相信係大部分

有BB嘅家庭必備之物。

今日余媽媽就從嬰兒手推車開始, 

分享吓選BB車呢門高深嘅學問, 

希望可以俾到d意見準備買BB車

或換BB車嘅父母~ 

等大家唔洗交咁多學費都可以

買到啱自己和寶寶心水嘅BB車^0^

父母好多時都會

問: 「究竟應該買大車定細車俾自己寶寶呢? 

係咪一架車用到大? 有冇必要換車?

換士的車好唔好?」

其實揀邊款BB車, 好視乎大家平時會點用? 

例如: 如果長途車多, 盡量選有平瞓設計嘅款式, 

因為預左小朋友中途要瞓覺~

但如果只是落街買餸, 時間短, 

士的車當然是個不錯的選擇，

當然是要寶寶坐得穩陣才好轉用啦！

曾看過一些報導, 

指某些嬰兒手推車不合符安全標準, 

甚至突然摺合, 夾傷車內的嬰兒~

所以, 講到購買BB車, 

安全性永遠係余媽媽心中排第一位~

其次係用料、設計、重量和能否單手收摺等~

素聞Combi係好多媽媽心儀的牌子,  

所以余媽媽最近就專登借左好友家中呢部新款的

Combi F2 Plus 嬰兒手推車(黑色款) 

番來做今次的研究對象~

先睇吓Combi F2 Plus佢個Specifications~

呢部車應該係好多媽媽(包括余媽媽)

心目中的Dream Car, 

因為外型時尚, 車身又輕巧，

重量只有4.1kg, 

就算要上落樓梯都好方便。

黑色比較大路, 但如果生女, 

余媽媽一定會揀靚靚的紫色款~

大家可以自由調校嬰兒車的角度, 

最盡可以校到接近平躺---165度~ 

余媽媽覺得呢點唔錯, 因為如果出成日街, 

小朋友一定會瞓覺, 

有得平躺就好方便啦～ 

加上, 初生BB未識坐, 

所以都應該使用備有165度躺型

椅背嘅BB車就更安全, 

唔怕會整傷條頸～

個人喜歡選坐位置較高的設計, 

讓寶寶能遠離地面上的致敏源，

無咁食塵, 亦能享受更高視野~

講番呢部Combi F2 Plus, 

坐位離地面有成53cm, 設計相當唔錯! 

(坊間普遍細車坐位離地只有大約40cm)

坐位物料的透氣度都好緊要㗎！

唔好焗親BB呀～

特別係夏天, 天時暑熱, 

BB車背部採用高透氣物料, 

就唔洗怕寶寶會焗到成身汗啦！

測試過呢部Combi F2 Plus係

而家廿幾度嘅天氣使用, 

余小b都坐得好舒服, 唔會坐到成身汗~

仲可以打開埋網型天窗, 

令空氣更流通,又可以望到BB~

單手推車無難度, 推嘅時候都好輕鬆~

車篷設計都好梗要㗎！

呢款Combi F2 Plus嘅車篷屬全蓋式, 

除左物料能防風和阻隔陽光中達99%的

紫外線以保護寶寶皮膚外, 

余媽媽認為,係唔太大雨的情況下

都可以唔需要另加雨擋~ 

若大家想選半蓋式的設計, 

就要記得放定雨擋係BB車度備用喇!

大家普遍認為大車的防震能力較好, 

但原來Combi F2 Plus咁輕盈嘅BB車, 

防震同樣出色!

佢備有車輪震動吸收裝置, 

吸收路面跟車輪間之震動, 令推出時更順暢。

當寶寶乘坐時, 就能得到更好嘅保護啦～

坊間多數嘅BB車都係用3點式安全帶~

對余小b呢d咁好動嘅寶寶來說, 

有時都綁唔住佢㗎！

點解咁講? 因為余小b曾經試過

成功係BB車上逃脫, 

好彩發現得早,嗰次真係有驚無險呀!!!

所以, 余媽媽較喜歡好似呢款Combi F2 Plus咁, 

款備有單觸5點式安全帶設計嘅BB車~

余小b: You look sleepy!!!

前面的護欄仲可以隨意拆下或安裝

(就算唔加護欄都已經十分安全)~

BB車能否單手收摺, 

相信亦係大家其中一個重要的考慮因素。

特別是平時多是自己一個帶寶寶推車外出, 

最好都係選能單手收車的設計比較合適, 

就算要上落巴士或樓梯都方便d~

又要讚吓Combi F2 Plus的

單手收摺設計,又快又方便!

收完車都企得好穩陣㗎！

其實初生BB頭一個月都較少出街, 

番健康院都係手抱多, 

所以個人認為可以先等BB滿月後

才購買嬰兒手推車, 

咁就可以帶埋BB一齊去試車啦！

因為佢地先係真正嘅用家, 

俾佢地親身試坐, 

睇吓喜唔喜歡都好應該吖！

對余小b呢位中碼B來說, 

呢部Combi F2 Plus其實坐位大小都算適中~

難怪余小b坐得咁嘆啦~ 

希望佢仲肯坐番我地部舊車啦^^!

 當然, 如果坐大車的話坐位一定會更鬆動, 

視乎個人喜歡大車定細車!

分析完一輪, 呢架Combi F2 Plus的確唔錯喎！

搞到余媽媽心郁郁想換車添~ 

如果當年俾余媽媽見到呢架既輕盈, 

又可以由寶寶出世坐到3歲嘅BB車就好了! 

咁咪可以慳番筆換車費囉! 

(To buy or not to buy? 煩惱中。。。)

坊間的嬰兒車選擇繁多, 

希望以上資料可以俾大家

買嬰兒車前做個參考, 

以後唔會買錯車~