學校旅行

天氣晴朗,今日係悠悠學校一年一度旅行日..一家三口開開心心出發~~~

8:30係學校對開空地上車,首先出發去搭山頂覽車..悠悠第一次搭覽車,仲要同成班小朋友,開心到佢呢....

上到山頂,有部份小朋友自費去參觀臘像館,我地怕悠悠會驚,所以無去,就係山頂四圍行下,最受歡迎既當然係兒童遊樂場...

係山頂玩左一陣,到11點就搭覽車返上旅遊巴,有個媽媽遲晒大到,差唔到成12點先落到尼,要我地成車人等佢呢...

之後到左香港仔一間酒樓食午餐,食物質素一般,服務質素唔多掂,上菜好似掉上尼,好似餵豬咁=_=...

食飽飯,大家再到香港公園玩,全程我地都係同悠悠最好既朋友仔,梁諾文一齊行,一齊玩,睇見佢地就真係好好笑...大約3點,我地就要係出口集合,回程返去喇..

今日見到全班小朋友,我就知道點解平時悠悠提起既,來來去去都係個幾個..原來有部份小朋友,感覺上都怪怪地..都係比較沉默,只係痴住媽媽,無點同其他人玩既...

返到屋企,大家都好攰...不過我都仲有煮個美味晚餐 ^^...就咁過左個happy day 啦..