"為慶祝服務推出一周年，
香港博客來會員喺本月底前購買五件或以上貨品即可免運費直送到港。"
我冇收人錢咖, 之但係覺得呢個優惠都唔錯,
就推介一下比一樣愛買台灣書o既媽媽
我次次去台灣都會買 d 繪本比小齊睇,
好處係用台幣訂價會比o係香港買平d,
但壞處係自己拎行李返香港重到死死下 ~ ~
今次有呢個免運費o既 promotion 又可以送去指定o既7仔,
真係唔錯哦! 只要買夠5本就可以免運費喇!
每單最多10本, 但單數(好似)無限的...
我今次都買左幾本台灣繪本,
有d係因為小齊睇過同作者作品都覺得唔錯,
有d 係因為香港圖書館冇而又想買比小齊睇
這是蘋果嗎？也許是喔 呢D日本作者o既繪本香港圖書館上得比較少同慢,
想睇的話都係要自己買
有幾位日本繪本作家o既翻譯本係小齊比較喜愛 (我自己都覺得唔錯):-
因為小齊喜歡睇都買左幾本, 圖書館有果d就會去借
只係睇左簡介就覺得要買比小齊睇,
有好多o係身邊發生o既世界大事有時都唔知點話比小齊聽(好似日本311地震),
多得有咁多唔同o既繪本童書,
等我可以形象化咁解釋比小齊聽
上廁所 買呢本係因為我o係香港買左下面果本"記事情"
雖然兩本書o既風格好唔同,
團圓係感動, 記事情係有d 幽默o既歷史知識書,
但兩本都係好書!
可惜無現貨今次就買唔到喇
小健的蔬菜（二版）呢本雖然香港圖書館有, 不過我覺得可以作為我屋企o既"實用繪本"
(實用o既在於可用o黎儆戒下屋企果位唔願刷牙o既小朋友)
屋企位小朋友都有d 偏食, 又係時候拎d 實用繪本o黎教育下佢
烏鴉點心店 係因為之前買左烏鴉蔬果行反應唔錯, 今次買埋
今次買左 7本書, 加埋今日買有額外95折,
折實NT$ 1558 (約 HKD 400)
平均每本60蚊唔駛, 係香港書店 6-7 折時先做到o既價錢!
有興趣都快d 去睇睇, 唔止童書, 其他書都有優惠咖!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
