台灣之子是前總統陳水扁，如果想選香港之子，究竟邊一個有代表性呢？袋巾？唔得！成個娘娘腔；長毛？剩係識擲蕉，唔掂！Tree根博士？中英文都咁屎，佢個博士銜頭都唔知點得番嚟嘅？誠信存疑！煲呔？大小都貪！巿儈之子貼切啲！郭天皇？有六舊腹肌，賣健身廣告合適多啲！照睇，真係幾難搵到適合人選喎！
日前美國除褲雜誌選出全球五十位傑出領袖,排第十嘅竟然係來自香城嘅痴瘋！佢比臉書創辦人朱克伯格同姚明排名還要高！除褲雜誌係一本來自花旗嘅雜誌,擁有專業財經分析同報導,以經典案例分析見稱,係世界上最具影响力嘅商業雜誌之一，俾呢本雜誌選出嚟嘅人物，肯定有代表性！
好多人都覺得痴瘋不配成為全球排第十嘅傑出領袖，但睇番佢過往嘅經歷，不由你不服！佢曾經成為時代雜誌封面人物；亦接受過CNN嘅專訪；美國商會喺2011年出面請佢全家去澳門遊玩，入住威尼斯渡假村高級套房；到咗第二年，美國駐港總領事楊蘇棣又安排佢同老豆黃偉明，齊齊與公民黨主席余若薇開咗幾次會。
你睇吓張照片，李志喜,肥仔達同總領事都係企喺後面，而枱面只有痴瘋有水杯，見微知著，邊個係主角？大家心中有數！
我相信黑仔馬為咗報復中國創建亞投行，撬走晒佢班酒肉盟友嘅大仇，日後會邀請痴瘋去老美訪問，跟住喺白宮開記者招待會，回顧一下佔中事件，俾個機會佢發表偉論,分享一吓喺香城爭取民煮嘅經歷，藉此剌激北大人,以消心頭之恨！我睇唔駛幾耐,一定會提名佢競逐落貝耳和平獎，到時痴瘋真係威過威士忌！
所謂時勢做英雄，辜勿論佢嘅做法係咪賣國，但經過老美嘅支持同飯民嘅力捧，選佢做香港之子，絕不為過！
============================================
感謝 過氣年青人 提供以上資料
過氣年青人的網誌: http://philipchutingkai.blogspot.hk/
============================================
