這款肉碎草菇豆腐, 有益又好味, 價錢又抵, 又
可以餸飯 ! 超讚架 !
淋個肉碎汁上面先 !
可以好簡單的美味 !
材料 :
1. 滑豆腐2件, 如果2-3人一件就夠喇!
2. 今次買咗$15 豬肉, 記住同肉舖老板講要少少肥呀,
咁先更加好食 d 吖 !
3. 草菇今次用咗8 - 10粒左右 ! 要視乎大小和自己喜好再加減
(要先拖一拖水) 然後沖水, 切片 ! 備用 (不用草菇用蘑菇也可)
4. 蒜茸 2粒.
做法 :
1. 肉碎要放豉油, 少許糖, 生粉或鷹粟粉, 胡椒粉及麻油
撈勻, 醃一陣.
2. 起鑊, 下油煎好豆腐, 我做法是同一時間, 一邊煎豆腐,
一邊煮肉碎. 當然也可以先煎好豆腐才煮肉碎啦 !
3. 肉碎方面, 起鑊下油, 放入蒜茸, 蒜茸金黃色放入肉碎,
炒至7成熟, 放入草菇(炒一炒) 用少少蠔油加水, 少少
豉油, 少少生粉或粟粉埋獻汁 !
好味又好餸飯, 又抵食0既一道菜式 !
