早排掛住介紹小朋友食物和日用品俾大家,
係時候要寫下食記喇~
今日想同大家分享吓最近食過嘅美味甜品,
喜歡Cake的你要留意喇!
呢間小店叫「韓台雪」, 大家唔好睇少佢,
因為佢係網上已頗具名氣,
岩燒千層蛋糕係佢嘅主打。
韓台雪食品專門店位於元朗市,
由於唔係座落係大街,
所以可能未必個個都有緣搵到,
不過大家如果想食好野, 當然要俾d誠意啦～
咁其實又唔算好難去嘅,
大家係大榮華向朗屏站方向行,
再過埋價真棧, 繼續向前行, 過一條小馬路左轉,
就會見到坐落於橫街上的「韓台雪」喇!
小店店面雖不大, 但出售的貨品種類繁多,
睇佢個店名「韓台雪」都大約估到佢有咩野賣。。。
呢度有余媽媽喜歡的刺生、冷藏食物、
日韓台食品及大受歡迎嘅岩燒千層蛋糕。
(余媽媽本來想係店內多拍幾張照片,
但撞正余小b肚餓扭計,
所以買完野食就要急急腳離開了)
今次我地就係專誠為左食呢款
係網上響噹噹嘅岩燒千層蛋糕而來的~
佢地都係台灣大熱的Frozen Cake ---
「塔吉特Touched」岩燒千層蛋糕~
眼見雪櫃裏放左多種口味,
真係眼花撩亂啊！
正當我地煩惱梗食邊隻味好嘅時候,
老闆就上前向我地詳細介紹~
原來芒果味嘅受歡迎程度係位列榜首的!
其次係牛奶味~
嫌唔夠食想成個買晒番去(12件裝)都得㗎！
成個買一定係最抵, 單一口味$183
多種口味約$19x-210左右。
講真吖! 其實余媽媽隻隻味都好想試:p。。。
記得以前我地兩口子經常買成個cheese cake
番屋企分兩晚做宵夜KO佢~
不過, 而家年紀大左, 收歛左, 唔敢食得太多,
所以今次都係買住兩件cake番去試試
(芒果味和牛奶味各一件), 合共45蚊,
單件買就要25蚊~
老闆隨即從雪櫃中取出蛋糕,
由於蛋糕本身已經包裝好,
所以老闆從雪櫃取出時也非常方便衛生~
我地臨走前仲順道買左盒好靚嘅
挪威三文魚刺生添!
老闆主動提供9折俾我地, 好開心呢！
半磅9折左都唔洗50蚊, 非常抵食,
而且食落仲好鮮味! 肉質好嫩滑~
番到屋企食飽飯即刻從雪櫃取出
兩件岩燒千層蛋糕試試~
老闆話最好係室溫放約15分鐘
至食係最好味嘅！我地當然照做啦～
又...開...餐...喇!
呢款岩燒千層蛋糕的層次感的確好豐富~
係一層層薄薄的蛋糕皮中間夾住香軟幼滑的cream ---
皮的厚度恰到好處, 唔會令人吃不消,
Cream用上低脂奶油製, 味道不會太甜,
啱晒余媽媽的口味~
最欣賞佢層甜美的芒果果凍夾心,
完全無因為佢放過入雪櫃而失去
左芒果本身嘅鮮味和果香~
整件蛋糕入口滿有層次感,
令人齒頰留香, 再三回味! 不愧為千層蛋糕~
再加上表層有少少火焰的感覺, 挺有特色!
令本來平凡的外表看來更吸引~
25蚊一件, 價錢合理,
當然, 如果單件買都可以再平D就更抵食~
推介給愛吃蛋糕的你來試試!
至於另一款牛奶口味的岩燒千層蛋糕,
說實話, 味道有點遜色。
雖然佢同樣有着千層蛋糕應有的層次感和口感,
但佢層牛奶夾心跟蛋糕入面嘅cream混合後,
味道變得不太突出, 感覺有點單調~
加上, 余媽媽品嚐過甜美的芒果味在先,
其後才試牛奶味, 味道就會更淡和比下去~
余媽媽下次再來幫襯時，
應該仍會以芒果味做膽,
另外再多嚐一、兩種口味,
希望能夠快些試盡所有口味,
之後再同大家分享^0^
最後, 要讚嘅除左係呢間小店的食物質素,
仲有老闆親切和殷勤的服務態度,
令余媽媽有賓至如歸的感覺!
呢個亦是余媽媽將會再度幫襯嘅主要原因~
(講明先, 余媽媽由始至終都無向老闆
表露過自己是位blogger呀^0^)
☆有關Oceanmart 韓台雪食品專門店☆
地址: 新界元朗安寧路59A寶豐樓地下2號舖
電話: 25552899
Whatsapp: 6768 4625
營業時間: 10am-8pm
Website: http://www.oceanmart.hk
Facebook專頁: https://www.facebook.com/oceanmarthk
~♡近期食記♡~
以下是余媽媽と余小bのFacebook啊~
