DAY 2 上晝去完新沙洞同 LINE STORE
馬不停蹄, 我地下晝去蠶室站玩 KIDZANIA 呢個"主菜"
講返事前準備先, 之前去日本o既 KIDZANIA,
台灣o既 BABYBOSS我都會預先買定門票 (因為真係會FULL),
所以今次去 SEOUL KIDZANIA 我都諗住買定飛先
而點樣做 MEMBER?! 要即場登記! (咁我去得就不如買埋飛啦~)
如果ONLINE 買又要韓國電話驗證
外國人可以點??!! 可以SEND EMAIL 但我發左2次 EMAIL 都杳無音訊...
結論係: 佢個 RESERVATION SYSTEM 真係 USER FRIENDLY 到爆!
買唔到飛所以我地當日只好準時去WALK IN囉
也好彩佢唔算多人玩的, 我地當日去到都好快買到飛
你睇, 真係冇乜人~
兩次o係日本 KIDZANIA 都整唔到MOS BURGER, 今次o黎到我地搵包整先
韓國版o既係 LOTTERIA!
韓國呢度o既JOB基本上到可以玩"即場",
日本好多時都只可以玩"預售"(玩過o既朋友會明)
有朋友會問去日本韓國 KIDZANIA 會擔心語言問題嘛?
其實完全冇問題咖, 佢地見人點做自己會照跟
就算真係跟唔上都會有工作人員幫手
小齊玩得好開心, 因為好朋友 MINAKO 又一齊玩
雙妹嘜首次挑戰整 BURGER 就成功!
一人一個製成品
自己即刻食埋! 我都食左兩啖, 係好食o既~ 小齊食左大半
今次o既工種有2個選擇: 一係做收銀員, 一係做執貨
我地早o黎排隊可以揀先, 3個小朋友都揀做收銀員
小齊一向都鍾意玩呢樣咖啦, 之前我都o係TOYRUS 買左個收銀機比佢玩
從佢地"整齊o既制服, 友善o既眼神, 我完全感受到果份誠意..."
工作人員姐姐教佢地點向客人行禮仲示範左收銀機點用
雙妹嘜收銀員 GET READY!
姐姐推o黎成架車o既貨物比佢"過機"~
開心到呢...頭也不回係咁"o都"~
"o都~ o都~ o都~..."
成車貨物兩個小妹妹話咁快就"o都" 完
小齊話:"咁快玩完啦?!~"
呢個時候, 點知姐姐又推多架車比佢玩!
小齊好開心咁同我講 " 仲有呀!"
又再玩多次, o都多一車先完成收銀員體驗
小齊似乎好喜歡呢份工, 佢一出o黎就話想玩多次
係我話唔好啦, 試下第二樣,
因為呢度o既JOB 真係好吸引咖
媽媽就好想佢玩雪糕店
小齊知道打完工會有雪糕食都話好!
於是第三份工就係"筆"雪糕
"筆"雪糕其實冇乜難度, 因為工作人員都整好晒咁滯
雪糕o既味道自己揀
佢地仲會負責裝飾下
裝飾完都係佢地自己食返
好簡單好快完成, 有得食喇~
hehe...差 d 影唔到相
急不及待食啦~
食完雪糕本身想去"揸橙汁",
呢個都好似幾得意, 而媽媽我都想飲...hehe
點知冇咁多位
我地唯有轉戰去玩整蝦條
頭先BASKIN ROBBINS o既制服好 CUTE, 但呢度o的制服橙色,
當堂有d 金仔 feel
好得意咁噃, 我都未見過整蝦條呢
一人獲派一 pat 麵粉咁o既o野
比佢地又碌又壓咁
其實只係做樣
真正食得o既o係呢度
o係個機轉轉轉一輪d 蝦條由幼變粗
即席試味
然後再教佢地搵o野調味
最後獲派一人一包自製蝦條, 好新鮮咖
因為冇加防腐劑最好即日食用
小齊o係排隊打其他工時即刻開o黎食
我都食左幾條, 比以前食過o既淡口 (係因為小齊調味o既原因嘛?)
下一份工係 CHEESE FACTORY
出面睇唔係好知佢地搞乜
好似試食咁?!
完成左又有o野食, 一人有 YOGURT 一杯
今次o黎韓國打工好似係咁食o野!! 小齊又立刻食埋杯 YOGURT
我都覺得呢隻 YOGURT 真係好食!
認住先, 下次見到都要買!
今日最後一份 JOB 都仲係同食有關, 我覺得門票完全"食"返晒
好抵!!
整包AGAIN!
今次係整呢個火腿芝士酥
同之前整BURGER 一樣, 都係有姐姐幫手指導佢地
小齊返呢份工好懶喎, 一心等製成品咁款
最後一人完成兩個, 佢自己話要食晒!!
有冇搞錯?! 今日食到咁多o野?
我咬左啖真係好好味, 唔怪得話食晒啦,
呢間麵包舖掂呀!
總括今日 KIDZANIA 職業體驗除左 RESERVATION 果度差少少,
其他o野我地都好滿意
工種有趣, 設備新又乾淨, 工作人員態度友善,
最最好o既地方係唔多人排隊,
今日半晝可以打到 6份工, 而且有得揀,
日本好多時都揀唔到最想玩果d工種
除左我地玩左果6樣, 其他工都好有趣, 有機會再o黎都想比小齊試埋
由於唔駛點排隊呢個原因我比o既評分比日本 KIDZANIA 仲要高!
同小朋友o黎 SEOUL 玩的話一定要o黎打工!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
