你有無試過影相擺甫士擺到無貨?甫士往往如此,
埋到位時方恨少,唔想再V字禁悶、或者跳起咁濫?
今期周圍遊就跟我哋同埋「生活在六維空間的男生
(六維男生)」一齊突破下,去西環影輯又chok又有創意嘅錯位攝影相,連小編都要落埋場Dem畀大家睇!
第 1 站 西環卸貨區 一起暴走吧!
「躺著也中槍」你聽過,「躺著行路」你又聽過未?
第一站帶大家嚟到近排好hit影日落嘅西環卸貨區,
試下躺著行路的滋味!
唔好以為行路好簡單,原來要影得神似都要
花唔少時間研究動作!皆因個身好易頃得太前/太後,
又或者頭太貼地無咗動感,比較易穿崩,
所以大家記得俾啲耐性試位啦。
小貼士:
1.搵個石級扮地下(見圖)、腳要貼「地」,頭就唔好貼喇
2.有一個人負責睇位睇角度,指導下大家嘅動作!
如果佢都想影埋,set 10秒timer囉
難易度: ★★★
嗚呀度: ★★★
(嗚呀度,任何人睇完都會大嗌「嗚呀」的可能)
累積瀏覽 2968092
全部攻略 6289
全部回應 29722