呢個賽事個名真係夠晒威猛，但我對參與呢個10公里賽事興趣不大,因為沙田白石角海濱長廊對我嚟講，己經跑到有啲厭倦，但同事龍頭想搵人陪跑，不斷游說我話，呢次賽事嘅報名費，部份會用作慈善用途，我唯有勉為其難報名參賽。呢次應該是我喺夏季來臨前，最後參與嘅賽事。
跑友阿陳都嚟凑熱鬧，我7時30分喺沙田大學站會合埋佢哋，然後齊齊前往起跑區。早上氣溫只有26度，間中密雲，還算舒適。
我哋喺大學站步行約莫1.5公里，7時50分左右抵達目的地。今次賽事，據說有2000人參加，場面熱鬧，我喺起跑前拍咗啲照片。
早上8時15分正式開始比賽，頭嗰10公里沒有難度，但過咗7公里時，陽光開始多了，氣溫相應提高。最後嘅2公里，並不如想象中咁舒服，我用咗接近一粒鐘先至完成賽事。
呢張衛星圖片，係透過我嘅GPS NB 手錶所取得數據，繪畫出比賽嘅位
置。
![]()
呢次賽事嘅特色係除咗有水供應之外，重有軟雪糕，益力多，曲奇朱以及古力等食物，大量供應。由於天氣太熱，我飲咗6枝益力多，一枝蒸溜水同埋食咗兩杯軟雪糕，跟住返屋企攤攤！
============================================
感謝 過氣年青人 提供以上資料
過氣年青人的網誌: http://philipchutingkai.blogspot.hk/
============================================
